İ Bıə Milləton Təşkilati nizomnoməku mudafiə duston qrupi oxonə bəyoniyə.

İ Bıə Milləton Təşkilati nizamnaməku mudafiə duston qrup "İ Bıə Millətonku bazi dıvləton xususi əmniyyət şura, instrumental istifadə kardey de ım hədəf ki qıləy mıstəğilə kişvər iyən İ Bıə Milləton Təşkilati komilə uzv yəni İron İslam Respublika daxıli koonədə mıdoxilə bıkon, ıştə nığılə niqəroni elanışon kardə və ım məsələ de İ Bıə Milləton nizomnomə əks zıneydən.

Zinə şəmbə Tehronədə İ Bıə Milləton Təşkilati nizomnoməku mudafiə duston qrupi iminnə iclos, de uzv bıə kişvəron vığandəon iyən nımoyəndəon, vəziri moavinon iştirok bərpo bıə.

Miladi 2021 minnə sorədə, İ Bıə Milləton Təşkilati nizomnoməku mudafiə duston qrup de İ Bıə Milləton Təşkilati nizomnomə eteborin iyən ittifoğiku mudafiə iyən inkişof və oqəte hədəfi və de 19 qılə kişvər əcumlə İron icod bıə.

Im qrupi uzvon, Əlcəzair, Anqola, Belarus, Boliviya, Kamboca, Çin Kuba, Şimali Koreya, Ekvatorial Qvineya, Eritreya, İron İslam Respublika, Laos, Nikaraqua, Fələstin, Rusiya, Saint Vinsent və Qrenadinlər, Suriya, Venesuela  və Zimbabve kişvəron şomilin.

Im iclosədə, muxtəlifə kişvəron nımoyəndəon beynəlxalğə vey muhimmə məsələon barədə ıştə nəzəon bəyonışon kardə və ım iclosədə və oxonə bəyoniyə ğolibədə bəyon bıə nəzəon və muzakirəon muntəşir bıə.

Bə İrna raporti əsos, İ Bıə Milləton Təşkilati nizomnoməku mudafiə duston qrupi bəyoniyədə omə: 2 curnə standardon, vıjniyə bıə metodon bə ico ya İ Bıə Milləton Təşkilati nizomnomə maddonku feleksibiləti təhlilon, de şək-şobhə royku siyasi hədəfon bə inkişof rosniye hədəf, bə beynəlxalğə ğanunon oşkoə tovhin kardey və bə umumi xəyr iyən İ Bıə Milləton Təşkilati uzv bıə kişvəron milləti həmmə mənafeon be diğğət be, bə umum iyən dınyo sənədə etıborin vey muhimmə təhdidonku qıləyni bə hisob omeydə.

Im bəyoniyə dəvomədə omə: dınyoədə ısətnə çand curnə bıhron, xususi ekoloqiya, xorək, enerji, iğtisodi və moli məsələon diğğət bıə və təkid bıə ki ım bıhranon hələkə roy, bə İ Bıə Milləton nizomnomə prinsipon oyən hədəfon əsos, kollektivə stratejikəon ğərolon iyən ğoymə hərəkəton qəteye.

Im bəyoniyədə təkid bıə: bəpe de diplomatiya cəhdon hevujəti cəhəto hərəkətoni de ədolətin, bərobər, stabil, komil və co nıbıə dınyo əmniyyəti strukturon icod bıbu  və bəpe bə həmmə kişvəron ğanuni əmniyyəti niqəronətion diğğət bıbu və bıhron iyən daveonku ki insoniyət və dınyo stabiləti, əmniyyət və sulhi təhdid kardədə vəy qətə bıbu.

İ Bıə Milləton Təşkilati nizomnoməku mudafiə duston qrup ıştə bəyoniyədə təsdiğıçon kardə: ıştə torixi iyən prinsipi nəzəon cəhətədə, bə Fələstini ğanuniyə hədəfon ğoym surətədə təəhud və həmçınin bə Fələstini ozodi və ədoləti həxon dast peydo kardeyro, de ım ğəhrəmonə milləti daimə mubarizəon, ıştə ğoymə vəhdəti elanışon kardə.