Mərəndi bə Baydeni mıdoxilə icod kardə sıxənon reaksiya nışoş do.

Vyana muzakirəonədə bıə İroni muzakirəkə kamanda mışovir, bə Amerkə prezidenti mıdoxiləkə sıxənon ki İroni oxonə hodisəon barədə be, reaksiya nışoş do iyən ım sıxənon benəticə cəhdon nımonə zınəş be.

Bə İsna raporti əsos, Vyana muzakirəonədə bıə İroni muzakirəkə kamanda mışovir, Sed Muhəmməd Mərəndi İroni barədə Amerkə prezident Co Baydeni mıdoxilətələbə sıxənon barədə ıştə Tvitterədə nıvıştəşe: İronədə stabiləti məhv kardeyro oxonə benəticə cəhdon, qıləy məhv bey emperiya oxonə nəfəson be ki daxıli problemon iyən xarıci daveonədə ğərğ bıə.

Tojədən Kaliforniya qıləy qırd bemoniədə, Amerkə prezident Co Bayden, ıştə sıxənonədə iddioş kardə: niqəron məbən, əmə İroni ozod bəkamon.əvon ıştən vey rə ıştən ozod bəkan.

Həminə holədə, Cımə rujədə və Tehronədə Abanə manqi 13 minnə ruji aksiya nıtğədə, İron İslam Respublika prezident, Sed İbrahim Rəyisi votışe: Amerkə prezident qıləy sıxənoni bəştə zıvon vardışe ki çəy bediğğəti nışonə be, boçiki çımiku bənav həm muxtəlifə tribononku jıqonə sıxənon bəyonış kardə be.

İroni xarıci vəzir, Huseyn Əmirəbdullahiyan həm qıləy Tvitter mesaji ğolibədə bə Co Baydeni mıdoxilə sıxənon reaksiya nışoş do iyən İroni bəzi şəhron oxonə iğtişoşonədə, bə Amerkə tərəfiku vızməti rəvoc doey iyən atomiyə sazışiro cəhdon işorəş karde iyən bə Baydeni xətob votışe: DAEŞ-iku himoyə iyən 2diməti rəftoronku bə kəno bınən.

İronədə oxonə iğtişoşon əvvəliku Amerkə dıvlət iğtişoşnku himoyə iyən de muxtəlifə bəyoniyəon sadir kardey vositə, bə İroni bəzi təşkilaton və rəsmi şəxson sanksiyaoni elanış kardə.

İroni xarıci vəzarətxonə həm bə ım mıdoxiləkə iyən ğəyre sazəndə hərəkəti reaksiyaədə, bəzi Amerkə rəsmi şəxson və təşkilaton sanksiyaş kardə.