Vey rə Rusiyə ticari yolə heyət bə İron səfər bəkay

Rusiyədə bıə İroni səfir xəbəş do ki vey rə Rusiyə ticari yolə heyət, ki ticari və istehsoli muxtəlifə şirkəton, ticari palata iyən sənaye və Rusiyə fedrasiya ostanonku şomil bıdə, bə vindemon iyən de İroni rəsmi şəxson muzakirə xoto bə İron səfər bəkan.

Kazım Cəlali de İroni jurnaliston votımonədə əlovəş karde: ım heyət ki 100 nəfəriku vey çı Rusiyə iğtisodi fəalonku şomil bıdə, de Rusiyə fedrasiya sənaye iyən ticari palata rəisəti Serqey Katirini sərpərəsti, bə İron səfər bəkay.

Bə əncom bıə planon əsos, ım səfərədə, Rusiyə ticari heyət əlovə bə de İroni kaştemon, sənaye, məədən və ticari palata rəis, Ğolam Huseyne Şafei və iğtisodi iyən ticari baxşədə co vindemonon, ğərore 2 tərəfiyə icloson, onemonədə kamitəon və de İroni sənaye, ticari muxtəlifə ittifoğonədə bıə qırdbemonon iştirok bıkon.

Rusiyə ticari palata heyət, bə İron ıştə səfəri cərəyonədə, əlovə bə ım, Tehron, Qilon iyən İsfəhan ostanonku hən vindemon bəkan, ta həm Qilon iyən İsfəhoni ostanon iğtisodi əktivə şəxson və fəalon bıvindon və həm de məntəğəon ticari zərfiyəton xususi Şimol-Cənub koridori oxonə vəziyəti oşno bıbun.