Məkroni de anti İroni deşmonon vindemon, Kənani tərəfo məhkum bıə.

İroni xarıci vəzarətxonə sıxənəvot, Fransə prezidenti vindemon de anti İronıjə deşmon iyən çəy bə ico bıə heyəti məhkumış kardə iyən ım hərəkəti de terrorizm və vızmətitələbion mubarizə bardeyədə, Fransə beynəlxalğə oşkoə darşiyə hərəkəton elanış kardə.

Dəvardə haftəonədə, Fransə rəsmi şəxson, de İronədə bıə daxıli koonədə oşkoə mıdoxilə kardey vositə, kişvəri oxonə iğtişoşonku himoyətış kardə ki çəvon oxonə mıdoxilədə, dəvardə cumədə, Parisədə, Fransə Respublika prezident, İmanoel Məkron de bəzi anti İroni deşmonon qrup vindemon iyən votımonış kardə.

Bə Fars aqentiyəti raporti əsos, İroni xarıci vəzarətxonə sıxənəvot, Nasır Kənani votışe: vey təəcubine ki qıkəy kişvəri prezident ki ozodi iddioş heste, deştə səthi tənəzul bıdə və de qulməçə iyən mənfurə şəxs vindımon ko, həmonə şəxs ki oxonə manqon mıddətədə və oşko surətədə ıştə həmmə cəhdış kardə ki bə İron İslam Respublika, diplomatiya vırəon və xarıcədə İron İslam Respublika diplomatiyaon ələyh terroristi, vızməti və nifrət icod kardey hərəkəton əncom bıdə.

İroni diplomatiya təşkilati sıxənəvot həmçınin Məkroni sıxənon ki İronədə ım iğtişoşon, inğilob zıneydə, beəbru iyən təəsufinə sıxənon elanıç kardə və de şiddətin ım sıxənon vədə ıştə etırozi nışoş do.

Kənani ijən əlovəş karde: ım vindemon oşko surətədə, de terrorizm və vızməti tələbi mubarizə bardeyədə, Fransə beynəlxalğə məsuliyəton darşiye nışonəy və bənə ım nəhsə məsələon rəvoc doey mənodəy.

İroni xarıci vəzarətxonə sıxənəvot ijən təkidış karde: beşək jıqo anti İroni hərəkəton, İroni milləti zıhnədə bəmande, boçiki İroni millət vey çok bəzi Avropavıjə rəhbəron anti insoni huğuğn və vıjniyə bıə metodon zıneydən.