Əmirəbdullahiyan: Avropa bəpe ğeyri-konstruktivə roy be hərəkətko.

İroni xarıci vəzarətxonə vəzir, hokkam şura iclosədə anti İroni ğətnomə təsvib kardeyro, bə Avropa tərəfon cəhdon reaksiyaədə votışe: Avropa bəpe ğəyre sazəndə roy be hərəkət ko.

Amerkə de 3 qılə atomiyə sazışi uzv bıə Avropavıjə kişvəron yəni İnqilis, Fransə və Almaniya kişvəron bə ico, tojədən bə İroni ələyh ğətnomə navə nıvışt hozzışon kardə ki votey bəbe ğəror heste atomiyə enerji beynəlxalğə təşkilati idorə heyət iclosədə təğib bıbu.

Bə İroni ələyh ğətnomə təsvib kardey təhdidon həmonə metode ki dəvardə manqonədə və har qılə fəsliyə iclosi bino beyku bənav, 3 qılə Avropavıjə kişvəron de Amerkə bə ico çəy dumoədən, de həminə hədəf ki muxtəlifə baxşonədə İroni bə veyə həmkoətion təşviğ kon.

Bə İrna raporti əsos, İroni xarıci vəzir Huseyn Əmirəbdullahiyan jurnaliston cəmədə votışe: İron lozimə mesajon bə Avropa tərəfon doəşe, və de bəzi Avropa xarıci vəziron əcumlə Avropa ittifoği xarıci siyasəti məsul, Cuzef Burl həm sıhbətış kardə.

Əmiəbdullahiyan ijən təkidış karde: əqə Avropavıjon ım ğəyre sazəndə roy behərəkət nıkon, de İroni mıtəğabilə cəvob əmmo təsirinə cəvob dim bə dim bəben.

İroni xarıci vəzir ijən votışe: İron İslam Respublikaro milli mənafe vey muhimme və ım royku bə xəto nibəşe, əv ijən təsdiğış karde: muzakirəon royədə, sanksiyaon peqətey və çəvonku dəvardeyro, bə ıştən ko dəvom bədomon.

Əmirəbdullahiyan ijən əlovəş karde: Amerkə bə İron mesajış do ki atomiyə sazışiro təcilış heste, əmmo Rabert Mali voteydə, atomiyə sazış iminnə koonımon ni və bə iğtişoşçiyə hərəkəton işorəş kardedə.