İslom İnğilobi Yolə Rəhbər: beşək, şərorəti meydon cəm kardey bəbe.

İslam İnğilobi Yolə Rəhbər, tojə iğtişoşon meydoni idorə əkəyon vey muhimmə hədəfi, milləti bə səhnə vardey zınəş be iyən hamiyəşe: beşək, şərorəti meydon cəm kardey bəbe və İroni millət kişvəri inkişof meydonədə, de veyə ğıvvə iyən vey tojə ruhiyə bəştə hərəkəti dəvom bədon.

Bə Həzrəte Ayətullah Xamenei dəftərxonə məlumatərosnə mərkəzi raporti əsos ımruj, İsfəhani millətiku çand sa nəfər de Yolə Rəhbəri vindemon kardışone, həminə mulağatədə Həzrəte Ayətullah Xamenei votışone: ım hodisəon, cinoyəton iyən xərobəkə koon, millət iyən kosoybonro problemon icod kardedə, əmmo ım şərorəton meydon iyən meydoni peştədə bıə dastəon anədə puç iyən həğirin ki bə nizom zərəl-zərbə varid karde əzı nin.

İnğilobi Yolə Rəhbər ijən təsdiğış karde: de İslam Respublika bıə istikbori vey muhimmə problem ıme ki əqə ım nizom bə inkişof bırəso iyən dınyoədə cilvə peydo bıko, ğərb dınyo liberal demokratiya məntığ botil bəbe.

Həzrəte Ayətullah Xamenei ijən təkidış karde: bə həminə norohti iyən ğeyzi xoto, Amerkə iyən Avropavıjon dıştə həmmə imkanaton bə meydon varid bıdən əmmo hiç ğələt karde əzı nin, jəqo ki çımiku bənav həm mıvəffəğ nıbin iyən vəoməyədə həm nibəznın.

İnğilobi Yolə Rəhbər ijən bə ğərbion hilə iyən bədast dənoe ki de pesoxtə bıə ozodəti iyən demokratiya iddio iyən nomi, kişvəronədə bə həğiği ozodəti iyən demokratiya ələyh əncom bıdə işorəş karde iyən hamiyəşe: Əfğanıstoni kişvər qıləy nez iyən oşkoə nımunəy ki Amerkə de ım bəhonə ki çəy hukumət mərdumi ni, bəy hərbi həmləş karde əmmo 20 sor cinoyət iyən ğarəti bəpeşt, həmonə hukumət ki bə çəy ələyh həmlə əncom bıə be, hakim be və Amerkə de rısvoçiyəti xarıc be.

İnğilobi Yolə Rəhbər bə ın nuktə işorəş karde ki İron və istikbori miyono bıə əsosi mınoğişədə Amerkə iminnə xətt iyən vırədəy və Avropa çı Amerkə peştədəy votışone: İroni İslami inğilobi səbarzətiku bəpeşt, Amerkə həmmə prezidenton əcumlə Karter, Kilinton, demokratə Obama, Reyqan, Buş, ə nakonə beməx tosə ısətnə behuş və pərişonə prezident ki İroni milləti nicot doış pidə, qırd İroni vədə bin iyən har kəsiku ki karde zınəşon be əcumlə bənə zanciri və condoə sıpə bıə sionist rejim iyən bəzi məntəğə kişvəronku komək qətışone.

Həzrət Ayətullah Xamenei təhdidonku fırsıt soxtey zu soybəti çı imoninə milləti təbiətiku bə hisobış varde və votışe: muğəddəsə mudafiədə İroni milləti fırsət soxtey sabiğə bois be ki ımruj həm har zəmon ki dışmon hərbi royku istifodə karde fikədə bıbu aqah bıdə ki İroni milləti məğlub karde nibəbe, jəğo ki vey kərə bə Amerkə iyən bəştə muxalifon votə bəy ki şımə ome dışımə irodəy əmmo şımə xilos bey nə! və əqə təcavuz bıkənən, qiriftor iyən məh bey bəşımə aid bəbe.