Əmirəbdullahiyan: atomiyə enerji təşkilati hərəkət, ğeyri konstruktiv be.

İron İslam Respublika xarıci vəzir, de Omani xarıci vəziri mıştərəkə xəbəiyə konfransədə təkidış karde: anti İroni ğətnomə sadir kardeyədə, atomiyə enerji beynəlxalğə təşkilati idorə şura hərəkət, ğeyri konstruktive və çəy vədə mıtəğabilə hərəkət əncom bədomon.

İroni xarıci vəzir, zinə iyən 2 tərəfiyə votımonon 2 minnə dıvrə bəpeşt, de xarıci və daxıli mediyaon jurnaliston xəbəiyə iclosədə, Huseyn Əmirəbdullahiyan və Omani xarıci vəzir, Əlseyed Bədr Əbosəeidi bə jurnaliston soalon cəvobışon do.

Bə İrna raporti əsos, ım xəbəiyə iclosədə, İroni xarıci vəzir votışe: dəvardə haftədə, atomiyə enerji beynəlxalğə təşkilat, ğeyri konstruktivə hərəkət əncomış do, qıləy holədə ki 2 haftə çımiku bənav, qıləy heyət ki xarıci vəzarətxonə rəsmi şəxson iyən atomiyə enerji təşkilati şomil be, bə Vyana səfərışon kardə, ım heyət İron və atomiyə enerji təşkilati vey zumadə həmkoətion barədə təvafuğışon kardə və həmçınin de atomiyə təşkilati mudir, Rafael Qərosi həm konstruktivə vindemon əncomışon do.

Əmirəbdullahiyan ijən əlovəş karde: de ım vucud, vey rə və ım rujonədə Amerkə şiddətinə 2dimə siyasəti dəvomədə, həmçınin makzimum təziği əncom doey iyən bə daxıli muhiti təsir noey cəhəto, bə İron İslam Respublika ələyh qıləy ğətnomə sadirışon kardə və co kərə atomiyə təşkilatiku sui-istifodışon kardə.

İron İslam Respublika xarıci vəzir, ıştə sıxənon dəvomədə, bə de Omani xarıci vəziri ımrujnə məşvərəton işorəş karde iyən votışe: ımruj 2tərəfiyə rabitəon muxtəlifə mıvzoon təğibımon kardə, və 2 qılə kişvəron rəhbəron irodə iyən hədəf və təvafuğon vey rə, və muxtəlifə baxşonədə əcumlə iğtisodi və ticari həmkoətion bə inkişof rəsəon nışoş do.

Əmirəbdullahiyan həmçınin votışe: məntəğədə xarıci hərbiçion iştirok, məntəğə sulh iyən stabiləti təhdid zıneydəmon və bovəmand hestimon ki Fars dıyo iyən Oman dıyo məntəğəonədə, ımrujnə hərbi xarıci hərbiçion, məntəğədə həm enerji əmniyyətiro qıləy təhdid bə hisob omeydə.

Im xəbəiyə iclosədə, Omani xarıci vəzir həm votışe: İroni vədə, Omani siyasət, hamsuyəti siyasət heste, və bə ım siyasət təkidış heste.

Əlseyed Bədr Əbosəeidi həmçınin, harcurnə terroristi iyən vızməti hərəkəton məhkumış karde iyən de İron İslam Respublika mısbətə rabitəon bərğəror kardeyro, bə ım kişvəri veyə cəhdon təkidış karde.