Kənani: dınyoədə İron vey şəfofə atom sulomizə bərnomə soybe.
İroni xarıci vəzarətxonə sıxənəvot, bə atomiyə enerji beynəlxalğə təşkilati idorə şura iclosədə anti İroni ğətnomə sadir bey işorə iyən təkidış karde: dınyoədə atom enerji təşkilati nəzorəti jintonədə, İron vey şəffofə atomiyə nəzorəton iyən sulhomizə bərnomə soybe.
Zinə və qıləy xəbəiyə iclosədə, İroni xarıci vəzarətxonə sıxənəvot, Nasır kənani bə İroni ələyh atomiyə eneji benəlxalğə təşkilati oxonə ğətnomə reaksiyaədə votışe: ım ğətnomə nəşr kardey de siyasi hədəfon əncom bıə, qıləy holədə ki atomiyə təşkilat, İroni atomiyə fəaliyətonku vey nəzorəton əncomış do.
Bə İran Peres aqentiyəti raporti əsos, İroni xarıci vəzarətxonə sıxənəvot ijən əlovəş karde: intizor ım be ki de atomiyə təşkilat, İroni konstruktiv həmkoətion cəhəto, siyasi hərəkəton vəy kam bıbun, əmmo ım 4 qılə kişvəri hərəkət nışoşn do həmçınan meylışone ki de siyasi metodon, İron və atomiyə təşkilati miyono texniki fəaliyətonədə problem icod bıkon.
Kənani ijən təkidış karde: İron İslom Respublika bəştə məsuliyət bəfodore, jəqo ki həmişə de atomiyə təşkilati vədə və de konstruktiv iyən nezə rabitəon vositə subitış kardə ki bə həmkoəti, rabitə və bəştə məsuliyəton əməl kardedə.
İroni xarıci vəzarətxonə sıxənəvot həmçınin bə əmniyyət şura İroni dossiyə oqardey və Maşə mexanizmiku istifodə kardey barədə votışe: ğəyre konstruktiv rəftoron vədə, İron mıtəğabil və təsirinə reaksiya bədoe və əmələdə subitış kardə ki lm kişvəron səmtiku harcurnə və ehtımoliyə ğeyri konstruktivə hərəkəton vədə, İron ğoymə ciddi iyən təsirinə reaksiya nışo bədoy.
Kənani, İ Bıə Milləton Təşkilotədə anti İron insoni həxon vəziyət və ğətnomə təsdiğ kardey barədə votışe: İron İslom Respublika nəzə ıme ki insoniyə həxon mıvzo siyosi kardey hiç vaxt konstruktiv ni, və insoniyə həxonku bənə əbzor istifodə kardey karde zınəş ni de insoniyə həxon barədə, beynəlxalğə ictima hədəfon iyən erjon bə inkişof rosniyero komək bıko.
Bə Suriyə sionist rejimi təcavuzon barədə həm, Kənani votışe: beynəlxalğə onemonon iyən ictimiyəti sukut qıləy illəte ki sionist rejimi ğeyri ğanuni həmləon iyən bə Suriyə ərzi təmamiyyəti ələyh ım rejimi hərəkəton dəvom peydo kardey holədəy.
Xarıci vəzarətxonə sıxənəvot ijən təkidış karde: beşək bə Suriyə ələyh harcurnə sionist rejimi təcavuz, iyən kişvəri ərzi təmamiyyət və hakımiyət darşiye, beynəlxalğə prinsipon oşkoə darşiye bə hisob omeydə.