İroni atomiyə enerji təşkilati yol: 60 faizi urani istehsol bino bıə.

İroni atomiyə enerji təşkilati rəis votışe: Fordo nomo bıə atomiyə vırədə, 60 faizi urani istehsol bino bıə.

Bə İrna raporti əsos, zinə və Tehronədə ekoloqiya 20 minnə nımoyeşqoh bərpo bey kənoədə İroni atomiyə enerji təşkilati rəis  atomiyə enerji beynəlxalğə təşkilati idorə şura ğətnomə mıvzo, İroni atomiyə təşkilati cəvobi barədə əlovəş karde: siyasi ğətnomə iyən təziğ hiç məsələ əvəz nıbəkarde, ğətnomə sadir bey de İron İslom Respublika ciddiyə reaksiya bə ico bəbe.

İslomi ijən votışe: holihazırədə, Boşehri stansiyaku 7 milyon barel nat ğənaət bıə və de diğğət bə İslomiyə inğilobi Yolə Rəhbəri təkid ki bə pokə enerji təkidış be, ğanun atomiyə stansiyaon inkişofi ıştə hədəf noəşe ta İroni atomiyə enerji səhm 20 faiz əlovə bıbu.

İroni atomiyə enerji təşkilati rəis təkidış karde: atomiyə enerji təşkilotədə ğəror bıə ki 2 qılə ruşnə istehsoli baxşədə atomiyə texnoloqiya və ovi pok kardeyro kali maşinonku istifodə bıbu.

Dəvardə haftədə, atomiyə enerji beynəlxalğə təşkiloti idorə şura ıştə fəsliyə iclosədə, Amerkə, İnqilis və Almaniya kişvəron siyasi şiddətinə təziğon jintonədə, bə İroni atomiyə sulhomizə fəaliyəton ələyh, qıləy ğətnomə sadirış kardə be.

atomiyə sazışi icro bey iyən mudafiə iddio məsələon dosiyə bastə bey bəpeşt, Im 3 minnə kərə bəbe ki atomiyə enerji beynəlxalğə təşkilati idorə şura bə İroni ələyh ğətnomə sadir kardedə, ım ğətnoməon atomiyə enerji beynəlxalğə təşkiloti idorə şuraədə, və de sionist rejimi təziğon jintonədə sadir bəbe.

Şəmsi 1399 minnə sori Xordadə manqi 30( Miladi 2020 minnə sori İyunə manqi 19 minnə ruj və Şəmsi 1401 minnə sori Xordadə manqi 18(Miladi 2022 minnə sori İyunə manqi 8 minnə rujədə) de 3 qılə kişvəri vositə ki atomiyə sazışi uzvin və Amerkə çəvon himoyəkəy, bənə ım ğətnomə sadir bıə be əmmo ım 3minnə ğətnomə de 2 qılə nakonə ğətnomə muğaisədə, bə İroni ələyh vey təkid iyən tındə sıxəni bə icoe.