Tehronədə İron və Tacikistoni iğtisodi mıştərəkə kamissiya bərpo bəbe.
Imruj və maştə Tehronədə İron və Tacikistoni iğtisodi mıştərəkə 15minnə iğtisodi kamissiya bərpo bəbe.
Milodi 1991 minnə sori Sentiyabrə manqi 9 minnə rujədə, Tacikistoni Respublika istiğloli dumoədə, İron İslom Respublika iminnə kişvər be ki Tacikistoni istiğloli rəsmi zıneydə və Doşəmbə şəhrədə ıştə səforətxonə təsisış kardə.
De ım vucud ki Tacikiston İroni hamsuyə bə hisob nibəbe,əmmo 2 qılə kişvəri miyono veyə torixi, mədəni iyən zıvoni dəçokneyon mucude.
Bə İrna raporti əsos, İron və Tacikistoni iğtisodi mıştərəkə 15 minnə kamissiya de İroni enerji vəziri mizbonəti və de Tacikistoni ovi ehtiyaton iyən enerji vəziri iştirok bərpo bəbe.
Həminə barədə İroni xarıci vəziri iğtisodi diplomatiya muavin Məhdi Səfəri bə İron və Tacikistoni həmkoəti iyən rabitəon inkişof iyən oqətey əhəmiyyəti təkidış karde iyən votışe: ım kamissiyaədə muxtəlifə baxşon əcumlə ticarət, moli koon, enerji, nəğliyot, sənaye, texniki iyən muhəndesi xıdməon, səlomət, investisiya iyən turizm baxşon bə ko kardey məşğulin.
Səfəri ijən əlovəş karde: iğtisodi mıştərəkə kamissiya icloson bərpo bey prosses de veyə həmkoəti tərəfə kişvəron zumand bıə və intizor ıme ki ım iclosonədə təvafuğon icro bıbun, və de ım kişvəron ticori iyən iğtisodi həmkoətion har çəxtə rə rovnəğ peydo kardey şohid bıbəmon.
Milodi 2021 minnə sori İyonə manqi İron və Tacikistoni iğtisodi mıştərəkə 14 minnə kamissiya Tacikistoni paytəxt, Duşəmbə şəhrədə bərpo bıə be.