Bə Çini prezidenti tojə sıxənon, İron nışo doə reaksiya

İron İslom Respublika prezidenti siyasiyə muavin bə Çini prezidenti tojə sıxənon ki bə Ərəbiston səfəri cərəyonədə bəyon kardəş bıə, reaksiya nışoş do.

Bə İrna raporti əsos, İron İslom Respublika prezidenti siyasiyə muavin Muhəmməd Cəmşidi bə Çini prezidenti tojə sıxənon reaksiya nışoş doey çərçivədə votışe: çəmə Çinıjə həmkaron virədə bımando ki zəmoni ki Amerkə və Səudiyə Rejim, Suriyədə çı İŞİD və Əlğaedə terroristə qruponku ki himoyədorəti kardedə bin və de vəhşiyə təcavuzi, Yəməni vironə kardəşone, ım İron İslom Respublika be ki terroriston məhvış karde ta aləmi şərğ və ğərbədə iyən məntəğədə əmniyyət hakim bıbu ta terrorizmi vədə mane icod bıbu.

Ğeyd kardənine ki bə Ərəbiston Çini prezident Şi Cin Pinqi səfəri cərəyonədə, məvuji 2 qılə kişvəri miyonədə, mıştərəkə bəyoniyə sadir kardəşone ki bəyoniyədə İroniku tələb bıə ta 2 qılə kişvəri koonədə mudaxilə nıko.

Çin və Ərəbiston həminə mıştərəkə bəyoniyədə, çı atom fəaliyəton sulhin bey qarantiya kardey çərçivədə İroniku tələb kardeşone ki de atom enerji beynəlxalğə təşkiloti komilə həmkoətiş bıbu ki ım qıləy pesoxtə bıə iddioe.