Həmas hərəkati bə sionist rejimi doə xəbərdarəti.
Həmas hərəkati sıxanəvoti elanış karde ım hərəkat heç vaxti bə sionist rejim icazə nibədoy ki tojə şərayeton bə muğaviməti qi bınə.
Fələstinı islamiyə muğavimət(Həmas) sıxanəvot Əbdullətif Əlğano zinə de Fələstinı məlumat ərosnə mərkəzi təşkil doə votımonədə elanış karde bə Ğəzzə İordaniya ğərbiyə sahil və işğaliyə Ğods sionist rejimi mutəmadiyə təcavuzon həmçinin bə muğavimət və fələstinı milləti zid çı rejimi həmmə fəaliyyəton məğlubbənine və ım rejim heç vaxti nibəzne bə muğaviməti ro dəvomi mane be.
Həmas hərəkati sıxanəvoti votışe: sionist rejim bə Ğəzzə milləti zid ıştə nakonə canqonədə zınəş ni bəştə notəmizə hədəfon rəse və həmmə canqonədə məğlub bə.
sionist rejimi hərbiyə təyyarəon zinə de Ğəzzə sərhəddiyə məntəğə bə Əlnəsirat hərbiyə mərkəzi iyən Ğəzzə cənub Rəfəh və Xanyonosı şərğ hissə bə muğavimətı ğıvvon çandəqılə posti hucum kardedən.
eyne holədə Ğəzzə mıxtəlif məntəğonədə sionist rejimi hucumonədə fələstinıjə qrupon Ğəzzə məntəğədə problemon rost beyu sionist rejimışon məsul zınə və elanışon kardə ki ım hucumon be cəvon nibəmanden.
