Qeneral Səlomi: ım soronədə çand kərə deşmonon məğlub bin.

İslomiyə İnğilobi Sepah təşkiloti komandir təkidış karde: ım soronədə çand kərə deşmonon məğlub bin ki hərbi canq və de DAEŞ-i mubarizə bardey əcumlə çəvonku be.

İslomiyə İnğilobi Sepah təşkiloti komandir Qeneral Huseyn Səlomi votışe: dınyoədə həmmə deşmonon bə İroni milləti ələyh bə meydon omin, bə İroni ələyh fitnə meydonədə həmmə deşmonon vindeşone ki təziğinə restə ğolibədə İroni millət meydonədə iştirokışone.

Bə Tele-Rədio aqentiyəti raporti əsos, zinə rujədə və Cəmkəron muğəddəsə məçitədə İmom Sadığ(ə)-i təbliği canqi ruhanion 83 minnə mıstəğilə tipi ruhanion və tələbəon qrupon cəmədə və viloyəti sayədə zumandəti onemonədə, Qeneral Səlomi bəyonış karde: ımruj deşmonon hədəf, İroni İslomiyə İnğilobi məhv kardee və bəpe diğğət kəmon ki vəziyət normol ni, bəlkəm vey təyinəkə iyən təhdidine.

Əv ijən əlovəş karde: dınyoədə bə İroni milləti ələyh həmmə deşmonon bə meydon omin və ım deşmoni iştirok ruşin iyən oşkoe.

Qeneral Səlomi ijən əlovəş karde: bə İroni ələyh fitnə meydonədə həmmə deşmonon vindeşone ki təziğinə restə ğolibədə İroni millət meydonədə iştirokışone.

Sepah Təşkiloti komandir bəyonış karde: de İslomiyə İroni muğabilə meydonədə, sioniston, Amerkə, İnqilis, Fransə və Səudi həm vindey bəbe. əv ijən votışe: deşmonon bə duə sıxənon ki voteydən, bə bovə rəsəşone və əvon ıştə duə sıxənon ğıboni bə hisob omeydən, həlbətə deşmonon jəqo nışo doən zuşon ni.

Qeneral Səlomi ijən bəyonış karde: ımruj fitnə oşkoe və bəvədə hiç şək ni və meydon komil surətədə məlume, və çəy əvvəl və oxo ruşine.

Əv ijən votışe: ımruj islom zəif ni və ım soronədə çand kərə deşmonon məğlub bin ki hərbi canq və de DAEŞ-i mubarizə bardey əcumlə çəvonku be.

Sepah Təşkiloti komandir votışe: ımruj ehtiyocon və hərbi təchizaton ıştən soteydəmon ki ehanə sanksiya nıbe bə ım muvəffəğiyəton rəsedənimon və zumand nibıəmon.