Qeneral Tənqsiri: Fars korfezi şimolədə əmniyyət bərğərore

İslomi İnğilobi Sepah Təşkiloti dıyo ğıvvə komandir votışe: de Sepah dıyo ğıvvə şəv-ruji cəhdon vositə, Fars korfezi şimolədə əmniyyət bərğərore.

Bə Fars aqentiyəti raporti əsos, zinə rujədə, Fars korfezi şimol məntəğədə skin bıə Sepah dıyo ğıvvə vahidonku vindemoni cərəyonədə, İslomi İnğilobi Sepah Təşkiloti dıyo ğıvvə komandir  Admiral Əlirıza Tənqsiri əlovəş karde: Ğətəri fotbul beynəlxalğə mısobiğəon bərpo bey zəmonədə, Ğətəri kişvəri sahilon ətrofədə ovon əmniyyət və stabiləti icod kardeyro, Sepah de canqi komandirəti flot sakin kardey vositə, 2500 məmuriyətiku vey dıyo qəşt, 470 surtiku vey helikopteri qəşt, və 850 surtiku vey bepilotə təyyorəon pərre əməliyaton və məmuriyəton de muvəffəğiyət əncomış do.

İslomi İnğilobi Sepah Təşkiloti dıyo ğıvvə komandir ijən İroni əmniyyət və mənafe və ovi marzonku mudafiəro, hozzoətion səthiku ıştə rizoyəti nışoş do və votışe: de huşinə məlumaton və komilə diyəon və nəzorəton bə Fars Korfezi şimol məntəğə coqrafiya, ım məntəğədə çok iyən stabilə əmniyyət bərğəror bıə.