İroni İslomiyə İnğilobi Yolə Rəhbəri pəndon sayədə Ermənion oroməti

İroni şərği Azərbaycani ostani mərkəz, Təbrizi Məryəme Muğəddəsi nomo bıə kilsədə Ermənion məsihi nuyə sori idə mərosim bərpo bıə.

Milodi tojə sori 6 ruj bino bey bəpeşt yəni Yanvari 6 minnə rujədə, Ortodoksi Ermənion məsihi nuyə sori mərosimi bərpo kardedən.

nuyə sori bino bey sitoyeşi nəğmə handey mərosimədə, Təbrizi bəzi məsihiyon, İronədə məsihi ictima iyən həmmə həmvətənonro nuyə sorədə oroməti, vəhdət iyən sulh bə ico tələbışon kardə.

Azərbaycon Ermənion Xəlifə yol, Əsğəf Qriqor Çiftçiyan  Təbrizədə de İran Peres jurnalisti votımonədə, Milodi nuyə sori təbrik votey bəpeşt, İron İslom Respublikaro sori de muvəffəğiyət bə ico urzoş kardə.

Azərbaycan Ermənion Xəlifə yol İroni İslomiyə İnğilobi Yolə Rəhbəriku məxsusə ğədrdonətiş kardə iyən təsdiğış karde: ım Yolə şəxsiyəti pəndon bois bıə ki Ermənion iyən məsihiyon İronədə ıştə məzhəbi həmmə mərosimon de rohətə xiyol iyən komilə oromətiədə bərpo kənən.

Əsğəf Qriqor Çiftçiyan dınyoro sulh iyən stabiləti həmçınin İroniro har rujə inkişof iyən sulh və oroməti urzoş kardə iyən votışe: Milodi nuyə sor bəpe çəmə dılədə inğilob iyən təhəvul icod ko və əməni har çəxtə rə bə İroi xıdmət rosniyero hozzı iyən aqah ko.

Azərbaycan Ermənion Xəlifə yol ijən əlovəş karde: İroni ictimaədə Ermənio fəxronku qıləyni Ermənion şəhidonin ki barzə vırə soybin və həmişə İroni İslomiyə İnğilobi Yolə Rəhbər həm bə ım mıvzo işorəşe.

Dəvardə soronku tosə bə ısət, İroni sərzəmin muxtəlifə dinon, ğovmon, mədəniyəton iyən rişədorə zıvonon mizbon be, İronədə muxtəlifə dinon tərəfdaron, toyfəon və ğovmon jimon de dustiyəti, sulh iyən oroməti bə ico be  və ım məsələ İronədə de erjinə torixiyə rişə soybe ki dınyo hiş qılə vırədə əcumlə Amerkə ki insoniyə həxon iddioəkəy, vindey nibəbe.