İroni sənədinə film bə BİG SKAY nomo festivali roş peydo karde

İroniku "qıləy asbi xəyal" nomo sənədinə film bə Amerkə BİG SKAY kino festivali rəğabət baxşi roş peydo karde.

Bə İrna raporti əsos, "qıləy asbi xəyal" nomo sənədinə filmi rejissor Mərcan Xosrəvi iyən produser Sacidə Səraii və Milad Xosrəvi bin ki mıvəffəğ be bə Amerkə BİG SKAY kino festivali rəğabət baxşi ro peydo bıko.

Amerkə BİG SKAY kino festivali sənədinə filmon barədə çı dınyo vey muhimmə mısobiğə heste ki OSKAR festivali tərəfo təsdiğ bıə, jəğo ki həminə festivali vey barzə film karde bəzne omə sori OSKAR festivalədə iştirokış bıbu.

In festivali 20-ə dıvrə rəğabəton Fevrali 17 tosə 26 Amerkə Montanay ştatədə bərpo bəde ki İroniku "qıləy asbi xəyal" nomo sənədinə film həm kırtə kino baxşədə nomayeş iyən hakimon tərəfo çəy barədə nəzə doe bəbe.

Ğeyd kardənine ki ın sənədinə film qıləy 15 sorə divujə kinə jimoni rəvoyət kardedə ki şəhri muasir jimoniku bəkəno vey yolə orzuoon fikədəy.