Şəhid Suleymani peyk sistemi icro bey mərhələ bino bıə

İroni ayrokosmikə təşkiloti yol, Şəhid Suleymani peyk sistemi icro bey mərhələ, bənə peyk iminnə sistemi bino beyku xəbəş do.

Bə İrna raporti əsos, İroni ayrokosmikə təşkiloti yol, Həsən Salariye bə Şəhid Suleymani peyk sistemi icro bey oxonə vəziyət işorə iyən əlovəş karde: bə ayrokosmik 10 sornə bərnomə əsos iyən bə millət, təşkiloton və dıvləti təşkiloton xıdmət rosniye və həmçınin bə xususi baxşi şirkəton xıdmət rosniye cəhəto, ğəror bıə ki İroni ayrokosmikə təşkilot qıləy zəmini orbitədə, kommunikasiyə ayrokosmik sistem ğəror bıdə.

Salariye ijən əlovəş karde: ım plan ki "Şəhid Suleymani plan" nomışe, İroni iminnə ayrokosmik sistem bə hisob omeydə və bə ayrokosmik istehsol və çəy şəbəkə soxteyədə, muvəffəğə nəticəon hosil bey xoto, kişvəriro vey əhəmmiyətış heste.

İroni ayrokosmik təşkiloti yol ijən təsdiğış karde: bə həminə əsos, çand vaxt çımiku bənav hətto İroni ayrokosmik ali şuraədə, kişvəri ayrokosmik 10 sornə bərnomə təyid bey bənav, ım plani icro bey bərnomə hozzo bıə və holi hozırədə həminə plani icro kardey vey muhimmə mərhələ bino bey holədəy.

Dəvardə 4 manqi mıddətədə, İron ayrokosmik texnoloqiya dast peydo kardeyədə bə vey inkişofon rəsəşe.

Har çand ki deşmonon de muxtəlifə sanksiyaon ıştə həmmə cəhdon əncom doşe ki elmi və iğtisodi əcumlə İroni ayrokosmik sənayeədə inkişofon vəy bıqəto əmmod e həmmə təziğon və məhdudiyəton vucud, İron İslom Respublika bə ayrokosmik texnoloqiyaon dast peydoş kardə ki bəpe əm məsələ İron İslom Respublikaro yolə muvəffəğiyət zıney bəbe.