Kənani: bə İroni ələyh ğərbi canq bə məğlubiyət məhkume

İroni xarıci vəzarətxonə sıxənəvot ıştə Tvitterədə nıvıştəşe: bə İroni ələyh ğərbi tərkibi və zıney bıdə cariyə canq bə məğlubiyət məhkume.

Milodi 2022 minnə sori Sentiyabrə manqi oxonə rujonku İroni muxtəlifə məntəğəonku iğtişoşon şoyd be ki həmonə zəmoni iminnə rujonədə, ım iğtişoşon ziyod beyro bəzi mediyaon veyə rolışon be.

Im iğtişoşonədə Amerkə siyasi yolon, sionist rejim iyən bəzi Avropa kişvəron, çəvon mediyaon iyən deşmənçiyə farsi mediyaon ki ğərbi himoyədən, de İroni milləti həxonku himoyə şuari, iğtişoşonku himoyə kardey iyən milləti əmniyyəti məhv kardey cəhəto ıştə həmmə cəhdon əncom dodən.

İroni xarıci vəzarətxonə sıxənəvot, Nasır Kənani ıştə Tvitterədə nıvıştəşe: Paris, London iyən Telavivədə aksiya, etıroz iyən vızməti be əmmo çəvon mediyaon İronədə etırozonku sıxən voteydən ki de ım vucud dəvardə 1 manqiku vey bəbe ki de ğərbi həmmə cəhdon vucudi, ım etırozon icod, ziyod bey və dəvomiku hiç xəbə ni.

Bə İrna raporti əsos, Kənani ijən ıştə Tvitterədə əlovəş karde: bə İroni ələyh ğərbi tərkibi və zıney bıdə cariyə canq, bə İroni ələyh çəvon hərbi, iğtisodi, siyasi və pisixi canqi dəvome və bənə dəvardə bə məğlubiyət məhkume.