İronədə Fəcri da rujon bino bıə

Imruj Bəhmənə manqi 12 iyən Fevrali 1, de Fəcri 10 rujon mərasi bino bey 1-nə ruji bərobəre.

44 sor çımiku bə nav Hecri Şəmsi 1357 nə sori Bəhmənə manqi 12 ədə bərobər de 1979 nə sori Fevrali 1 İroni islamiyə inğilabi təsis əkə Mərhum İmom Xomeyni 15 sor vətəniku ixroc bey bəpeştə de İroni milləti əzəmətinə pişvozi bə İron varid bıə.

10 ruj ım daxıl bey bəpeştə yəni Bəhmənə manqi 22 ədə(Fevrali 11) İroni əzəmətinə inğilab bə səbarzəti rəse.

Bə həminə mınosibəti xoto ımrujnə rujiku detosə Bəhmənə manqi 22 yəni 10 ruji mıddətdə İronədə vey məxsusə bərnoməon de Fəcri da rujon onvani bərpo bəbe.

Xəbə omə ımruj Mərhum İmom Xomeyni(r) təyarə bə Mehr Abadi airport varid bey soqardeşi həmzəman ım airportədə simolovinə mərasimon bə kəno məktəbonədə inğilabi zənqi jəe, kelisaon nağusi sədo vanq karde iyən ğətar və kəştion şeypur həm sədo doə be.

İroni İslomiyə təbliğon həmohənqi Şura həm de qıləy bəyoniyə vositə, Fəcri daminnə rujon yolqətey bəpeşt, 44minnə fəcri mehvəri şuar, "ğoymə İron, 44 sor iftixor" elanış karde.

İroni millət həmçınin de ə həzrəti pokə hərəmədə bıə mərasimonədə iştirok peydoşon karde ijən de inğilabi simvolon ıştə əhdi tojəşon ka.

Beheşt Zəhra nomo bıə ğəbıstonədə həm İmom Xomeyni(r) nıştə vırə iyən şəhidon pokə ğəbol həm de vılə dastə dəroetə bəy və cəmaət bə çəvon məğami ehtırom kardedən.

Zinə sıbə faxti həm İroni Yolə Rəhbər Həzrəte Ayətullah Xamenei bə Mərhum İmom Xomeyni(r) pokə hərəm şe və de nəmoj və Ğıron handey bə ə həzrəti məğam iyən vırə ehtıromış karde.

Həmçınin İslomiyə İnğilobi yolə Rəhbər, bə şəhid Beheşti, Recai, Bahonər və 1360 minnə sori Ti manqi 7minnə hodisə şəhidon, Xıdoku çəvonro aliyə dərəcəon tələbış karde.

Peşo İnğilobi Yolə Rəhbər şəhidon ğəbıstonədə həm iştirokış kardə.