İronədə bıə elmi inkişofi dəvom

İroni elmon və təhğion texnoloqiya sıxanəvot İronədə bıə elmi cəhəto balansinə çokə şərayetiku xəbəş do.

Bə İrba raporti əsos, İroni elmon və təhğion texnoloqiya sıxanəvot Əli Şəmsipur elmi muxtəlif meydononədə bıə İroni iştirok və əloğəon barədə votışe: elmi keyfiyət və miğdor cəhəto istehsaliədə İron çı dınyo 15 minnə vırədəy.

İroni elmon və təhğion texnoloqiya sıxanəvot əlovəş karde: İroni elmi məğaləon dınyo eteborinə jurnalonədə çap bıdə və bə əvon istinod bıdə ki ın məsələ çı İroni elmi balansinə inkişofi nışonəy.

Şəmsipur bə ali təlim bgaxşədə bıə İroni inğilobi nəticəon işorəş karde və votışe: İroni inğilobi bə səbarzəti rəsey bəpeşt İronədə təhsili sə kardey, məğaləon çap karde və tojə ixtiraon baxşədə İron bə vey vindəninə inkişofon dast peydo kardəşe.