Əmirəbdullahiyan de Venesuela prezident vindemonış kardə
İron İslom Respublika xarıci vəzir, Huseyn Əmirəbdullahiyan ki bə Karakas səfərış kardə, zinə yəni cımə rujədə de Venesuela prezident Nikolas Madoro vindemon iyən votımonış kardə.
100 soriku vey, İron və Venesuela rabitəon torixi stajışe. əmmo Milodi 1960 minnə soron çand daonədə, ım rabitəon nati baxşi ğolibədə bə inkişof rəsə. iyən Milodi 1979 minnə sorədə İroni İslomiyə İnğilobi səbarzəti bəpeşt, Venesuela iminnə kişvər be ki İroni tojə dıvləti rəsmi zıneydə.
Isət, har 2 qılə kişvər Amerkə itərəfiyə sanksiiyaon jintonədə ğərorışon qətə. və bəzi baxşonədə əcumlə multilateralizmiku mudafiə kardey, de Amerkə itərəfi və ğeyri ğanuniyə hərəkəton vədə muğabilə kardey, sulhomiz surətədə atomiyə enerjiku istifodə kaardey İroni ğoymə həx və Fələstini milləti həx-huğuğon rəsmi zıney, de yande mıştərəkə nəzəon sobin.
Bə İrna raporti əsos, ım vindemonədə Əmirəbdullahiyan və Venesuela prezident, 2tərəfiyə həmkoətion və rabitəon inkişof doey və beynəlxalğə məsələon barədə deyande məşvərətışon kardə.
Pencşəmbə şəvədə, Huseyn Əmirəbdullahiyan deştə siyasiyə heyəti bə ico bə Venesuela paytəxt, Karakas virid bıə və Venesuela xarıci vəziri muavin və nəğliyot vəzir bəy xoşomey votəşone.
Cımə rujədə həm Əmirəbdullahiyan de Venesuela nati vəzir Tareğ Əlisami və ım kişvəri xarıci vəzir İvan Xeyl iyən çəy prezidenti muavin Rodriqz vindemon və votımonış kardə.
