Əmirəbdullahiyan: Amerkə sanksiyaon siyasət bə məğlubiyət məhkume

İron xarıci vəzir, Huseyn Əmirəbdullahiyan, Amerkə de zu tədbiğ kardə və itərəfiyə sanksiyaon siyasət bə məğlub bey məhkumış kardə.

Bə İrna raporti əsos, zinə  cımə sıbədə, Huseyn Əmirəbdullahiyan de Koba xarıci vəzir, Brono Rodrqiz vindemoni cərəyonədə təkidış karde: Milodi 2022 minnə sori İyolə manqi hodisəon nışoş do ki sanksiya siloh təsirış ni və Amerkə tərəf de təhrik vositə bəştə nəhsə hədəfon dumoədəy.

Im iclosədə Huseyn Əmirəbdullahiyan bə 2 qılə kişvəri əloğəon əhəmiyyət təkidış kardə.

Im vindemonədə Kuba xarıci vəzir Havanaədə İroni iştirok kardeyku xoşhal be iyən ım səfəri Kubaro qıləy fırsət zıneydə ki İroni himoyəonku ğədrdonəti bıko ki bə Kuba ələyh iğtisodi mıhosirə vədə, Kubaku himoyətış kardə.

Rodriqz ıştə sıxənon dəvomədə bə İroni ələyh itərəfiyə sanksiyaon iyən İroni koonədə mıdoxilə məhkumış kardə.

Əv həmçınin əlovəş karde: bə sulhomizə atomiyə enerji dast peydo kardeyro, Kuba həmmə kişvəronku himoyə kardedə.

Im vindemonədə həmçınin 2tərəfi iyən beynəlxalğə məsələon barədə 2 tərəf deyande votımonışon kardə.

Həminə vindemoni bənav həm Əmirəbdullahiyan de Kuba prezident, Diyaz Kanel vindemon iyən votımonış kardə be.

Şənbə şəvədə Huseyn Əmirəbdullahiyan bə Kuba paytəxt, Havana varid bıə və Kuba xarıci vəzarətxonə beynəlxalğə yol bəy xoşomə votışe.

Çımiku bənav, İroni diplomatiya təşkilati yol iyən çəy bə ico bıə heyət bə Nikaraqua və Venesuela səfəri cərəyonədə de ım kişvəron rəsmi şəxson, rabitəon hevujəti roon xususi iğtisodi həmkoətion barədə məşvərətoni kardəşon be.

Həmçınin çımiku bənav həm Əmirəbdullahiyan bə Mavritaniya kırtə səfərış be iyən de ım Afriqa kişvəri prezident və xarıci vəziri vinde3mon iyən votımonış kardə.