Zaqreb beynəlxalğə mısobiğəonədə İroni Yunan-Roma dəçıke milli kamanda ğəhrəmonəti

Zaqreb Open kubok beynəlxalğə riğabətonədə İroni Yunan-Roma dəçıke milli kamanda de 4 qılə tılı medal, 4 qılə nığə medal iyən 5 qılə bırınci medal bə ğəhrəmonəti rəsə.

Bə İrna raporti əsos, Bəhmənə manqi 14 tosə 16 minnə rujonədə, Xorvatiyaədə (Fevrali 3 tosə 5), dınyo ittifoği reytinqi Yunan-Roma dəçıke beynəlxalğə riğabəton (Zaqreb Open kubok) bərpo bıə ki ım riğabəton oxoədə, İroni 18 nəfərə komanda 55 kiloqerəmə vəznədə, de Poya Dadmərz, 60 kiloqerəmə vəznədə, de Mehdi Muhsen nejad, 77 kiloqerəmə vəznədə, de Muhəmməd Əli Qərai iyən 82 kiloqerəmə vəznədə de Əlireza Muhmedi vositə bə tılı medal dastışon peydo kardə.

Həmçınin 63 kiloqerəmə vəznədə, Aref Muhəmmədi, 67 kiloqerəmə vəznədə Rıza Əbbasi, 72 kiloqerəmə vəznədə, Səccad İmentələb və 87 kiloqerəmə vəznədə Nasır Əlizad, İroni vıjniyə bıə komandaro nığı medali kəsbışon kardə.

Həmçınin 55 kiloqerəmə vəznədə, Muhəmməd Məhdi Cəvaheri, 63 kiloqerəmə vəznədə, İman Muhəmmədi, 77 kiloqerəmə vəznədə Əmin Kavyaninejad, 82 kiloqerəmə vəznədə Pejmane Pəştam və 130 kiloqerəmə vəznədə Əmir Ğasımi Muncezi bə bırınci medal dast peydoşon kardə.

Im rəğabəton oxoədə, İron komanda de 195 imtiyoz, iyən de iğtidor surət bə ğəhrəmonəti rəsə, İroni komanda bəpeşt həm Macarıstan və Azərbaycan Respublka 2minnə iyən 3minnə vırə kəsbışon kardə.