İron İslom Respublika Səbarzəti ruj

İron İslom Respublika Səbarzəti ruj

İron İslom Respublika Səbarzəti çıloçominə sorəqardışi ruji de çandə milyon İronıjə insonon İslomi İroni səbarzəti idə mərosimonədə iştirok kardey və İron İslom Respublika şəhronədə fevralə manqi 11-ə ruji dıjdə iştimoyi cəm bıey ım dıjdə ruji qıromi qəteydən.de İmom Xomeyni(r) rəhbərti bıə İslomi İnğılobi əzəmətinə ğələbə iyən İron İslom Respublika bə formə dəşey,milodi dıminə həzo soron oxoyədə dınyo ərsə iyən səviyyədə bıə qıləy dıjdə təhəvvul iyən hodisə bə hisob omeydə.joqo ki,ısət əmə de bə İslomi azizə irson rəğ-rişəon səmt oqardemoni,siyosi,sosyal iyən mədəni ərsəonədə bıə bə dınyo,insoni iyən bə bəşəri mıxtəlifə mınosibəton nisbətədə nuyə nəzə təvəlludi şoydimon.İron İslom Respublika Səbarzəti çə inğılobonku qıləyniye ki,de dınyo coqlə inğılobon mığoyisədə  ideoyolojik iyən əsosinə tafutonış heste.

Dınyo inğılobonədə de qıləy kırtə nəzə kardey bə ın nəticə rəseydəmon ki,dınyo inğılobon amilon de İron İslom Respublika inğılobi bə vucud omey prosesədə hiç qıləy həmohənqətişon ni.liza ziyodə alimon çı İron İslom Respublika Səbarzəti mığobilədə ğafil mandeyışon elon kardə və əvışon çı inğılobi nəzəriyyə dayirəku xaric zınəşone.çın ğafil mandey illət və səbəb həm bə dınyo alimon zehnonədə bıə bə dıənyo ideoloji nəzəon oqardedə.qıləy fik və ideoloqiyə ki,bə maddi ideoloqiyə əsos bə formə dəşo,boştə bə əməl omeyro çı maddi itən təbiiyi səbəbon dumoye və əmmo çı İron İslom Respublika inğılobi illət və səbəbi fəğət de İlahi iyən dini nəzə vindey nibəbe.İron İslom Respublika inğılob bə ziyodə şəxson etırofi əsos,qıləy unikal inğılobe və çı dınyo dıjdə inğılobon miyono jıqo qıləy analoji inğılob vindey nibəbe. İronədə qıləy inğılob bə vucud ome ki,həmmə mıodiləonış bəyənde je və çı camiyəşınos iyən sosyoloqon nəzəonış bəyənde je və bə sıvoli jiş barde.ikəs bovə kardeeə nıbe ki,qıləy inğlob bə əməl boy ki,hiç qıləy məxsusə partiyə iyən təşkiloti himoyə nıbə holədə və fəğət bə qıləy məzhəbi iyən bəçəy  mərkəzi əsos, yəni bə məçiton əsos bə formə dəşe.İron İslom Respublika Səbarzəti nəyinki,İslomi dınyoədə qıləy ətf və dəçokney noxtə be,bəlkəm bə ğərbi dınyo həm ziyodə təsironış noe.joqo ki,çı ğərbi fiki iyən ideoloji nizomi əsosış bə sıvoli jiş barde.İslomə din ki,ıştə qırd umri dırozi qıləy qəncin iyən de səmərə pur bıə mədəniyyətış bıə,torıxi dırozi de etet-peteton dimbədim omə.çın nəzəku İron İslom Respublika Səbarzəti çı İslomi hoviyyət iyən şəxsiyyəti umuj qıniyə noxtəy və ın ınğılob İroni İslomi təməddun iyən mədəniyyəti bəyji bıə noxtə zınəşone.....

İslomi nuyə təməddun iyən sivilizasiyə inev bə ayəndə və vəomə nəzə çı İroni dıjdə milləti mığobilədə bıə ufuği mıəyyən kardey mənoədəy.İroni millət torıxi dırozi qıləy sivilizasiyə ofəyə millət bıə və ijən bə dınyoədə təməddun ofəyə məğami oqrdey ğudrəış heste.İroni mədəniyyəti xıslət iyən dinamikəti həmişə çın əvəzon həcmi səviyyəş vey kardə.torıxi dırozi bə ideoyoloji irtiboton hevujəti iyən ironi təmədduni eyniyə noiliyyəton bıə meyl,bə ın sivilizasiyə qırd cəhəton nevbənevəti iyən qəncinəti boyis bıə.