Kənani: ğərbıjon bə sazişi oqardey vəy qətedən

İroni xarıci vəzarətxonə sıxənəvot atomiyə muzakirəon tojə dıvrədə de işorə bə təvafuğon nav nıvıştəon votışe: ğərbion bə təvafuğ oqardey vəy qətedən.

Milidi 2022 minnə sori Avqustə manqi4 minnə rujədə Vyana şəhrədə İroni sanksiyaon maneon peqətey bərpo bıə və Avqustə manqi 8 minnə ruj bə Tehron oqardey heyət sə bıə.

Bə Fars aqentiyəti raporti əsos, İroni xarıci vəzarətxonə sıxənəvot, Damğan milləti hərorətin cəmədə ki Bəhmənə manqi 22 minnə ruji aksiyədə iştirokışon be təsdiğış karde: atomiyə sazışi muzakirəo tojə dıvrədə həm muzakirəkə tərəfo bədəhdon mışohidə bıə.

Kənani ijən əlovəş karde: qıləy holədə ki təvafuğ ıştə oxonə royədə ğərorış qətə be, Avropavıjon co qılə roy vıjniyəşone.

İroni xarıci vəzorətxonə sıxənəvot ijən bəyonış karde: Amerkə həmişə cəhd kardedə ta ıştə əncom bıə təəhudaton əks hərəkəto ko, əv ijən əlovəş karde: ım metod atomiyə sazışi prossesədə həm mışohidə bıə boçi ki əvon ıştə imzo bıə təvafuğon əks, ıştə təəhudon əncomış nıdo.

Kənani həmçınin bə İroni milləti ələyh ğərbi sanksiyaon işorəş karde iyən təsdiğış karde: İslomiyə İnğilobi səbarzəti bəpeşt soronədə, bə İroni milləti ələyh bə ğərb dınyo sanksiyaon həmişə bə muxtəlifə bəhonəon icod bıə, ki ım bəhonəon əcumlə İroni atomiyə fəaliyəton be və əvon bəştə fiki əsos, cəhd kardedən ta stajış nıbıə hərəkəton bə İron İslom Respublika ələyh əncom bıdən.

İslomiyə İnğilobi səbarzəti bəpeşt, Amerkə həmişə de İron İslom Respublika nizom dışməni kardey bənə ıştə siyasət ğərorış do və dəvardə 40 sori mıddətədə həm bə İroni ələhy sanksiyaon siyosəti əncomış do.

Amerkə prezident, Co Bayden həm ıştə prezident bey əvvəliku həm bə İroni milləti zidd makzimum təziğon dəvomış do və bə muxtəlifə bəhonəon əsos, həmçınan tojə sanksiyaon elam kardey holədəy.