Məntəğə və beynəlxalğə səthədə İron və Rusiyə mədəni həmkoətion hevujəti

İroni İslomiyə mədəni və rabitəon təşkiloti yol, İron və Rusiyə beynəlxalğ və məntəğə həmkoətion hevujəti tələbış kardə.

Bə İrna raporti əsos, Moskvaədə İroni İslomiyə mədəniyət və rabitəon təşkiloti yol, Huccətul İslom Muhəmməd Məhdi İmanipur de Rusiyə fedrasiya beynəlxalğə həmkoətion təşkiloti yol, Soqni Perimakofi vindemoni cərəyonədə bə hamsuyəon miyono rabitəon hevujəti təkidış kardə iyən votışe: bəpe İron və Rusiyə miyono mədəniyət heyəton mıbodilə hevuj bıbu və 2 qılə kişvəri miyono təvafuğon icro bey zəminəon hozzo bıbu.

Rusiyədə İroni səfir Kazım Cəlali muxtəlifə zəminəonədə de 2 qılə kişvəri rabitəon təbyin kardey, mədəniyəti rabitəon inkişof doey, İron və Rusiyə xarıci siyasəti iminnə koonku yodış kardə və votışe: Rusiyədə İroni tələbəon iştirok, bəpe rabitəon hevujətiro qıləy pard bıbu və həmkoətionro roy hozzo bıko.

Cəlali həmçınin beynəlxalğ və məntəğədə İron və Rusiyə mədəni rabitəon səthi inkişof doey vey muhimm iyən zərruri zıneydə.

İroni İslomiyə mədəniyət və rabitəon təşkiloti yol, Huccətul İslom Muhəmməd Məhdi İmanipur bə ortodoks məsihi və islom dini 12 minnə votımononədə iştiroki xoto, deştə aliyə heəti bə ico bə Rusiyə səfər kardəşe.

Moskvaədə zinə rujiku, Ortodoks məsihi və islom dini 12 minnə votımonon de “umumi bey bəpeşt, dınyoədə məzhəbi ictima umumiyə xıdməton” mıvzo onvani bino bıə be.