Ərdoğan çı Almaniya vindemoni bənə Nasist metodi tosifış kardə.

Tırkiyə prezident çın kişvəri konstitusiya referandumi barədə çı Almaniya vindemoni bənə Nasist metodi zınəş bıə.

Bə İrib raporti əsos, Rəcəb Təyyib Ərdoğan İstanbulədə votışe: Tırkiyə vindemonədə çı Almaniya dıvləti siyasəton hejo bənə həmonə Nasist hukuməti zəmone və jıqu fik karde ki Almaniyaədə nasist siyasəton əvəz bıə səhv iyən nodıreste.

Əv əlovəş kardə: Almaniya dıvlət qıləy vəziyətədə bə co kişvəron demokratiya dərsi doe fikədəy ki çın kişvərədə demokratiya ni.

Tırkiya rəsmiyon çəy bəpeştə ki Almaniya Qaqenao şəhrədə çı Rəcəb Təyyeb Ərdoğani tərəfdaron qırdbemon ləğv bıə, ısət binoşon kardə bə Almaniyaku tənğid karde.

Im qırdbemon bə çəy xoto ğərol be əncom bıbu ta Almaniyaədə 1 milyon 500 həzo nəfər çı tirkiyə şahrvandon nəzər bə Tırkiyədə referandomi mısbətə sədo doe xoto cəlb bıbu.

Referandumi loyihədə bə Ərdoğani ixtiyaron ziyod karde təkid bıdə.

Almaniya dıvlət ım mərasımi ləğv karde ğəroli bə məhəlliyə dıvləti qiş noə.