İron İslom Respublika prezdent: de hamsuyə kişvəron inteqrasiya siyosəti zumand kardey, İroni dıvləti metodonkue
İron İslom Respublika prezident, de hamsuyə kişvəron inteqrasiya siyasəti zumand kardey, İroni 13minnə dıvləti vey muhimmə metodonku zınəşe.
Bə prezidenti məlumatərosnə mərkəzi raporti əsos, zinə İşəmbə rujədə, İron İslom Respublika prezident, SEyd İbreym Rəyisi de Ozbəkistoni xarıci vəzorətxonə sərpərəst, Bəxtiyar Səeidefi vindemonədə, 2 qılə kişvəri rabitəon torixi bəyonış karde iyən votışe: əqəçı İron və Ozbəkiston, ıştən rabitəon inkişofinro ey çokə hərəkəton əncom dodən əmmo de diğğət bə mıtəğabilə zərfiyəton bəpe ım rabitəon ozavziyero vey cəhdon əncom bıdəmon.
Rəyisi ijən bə Ozbəkistoni ıştə oxonə səfə işorəş karde və vəzironku tələbış kardə ki mədəniyət və iğtisodi xısusi ticori, tranzit və kaştemoni baxşonədə 2 qılə kişvəron mığuviləon icro bey prossesi vey əncom bıdən.
Ozbəkistoni xarıci vəzorətxonə sərpərəst, Bəxtiyar Səeidov həm bəyonış karde Ozbəkiston de İron İslom Respublika həmmə tərəfiyə rabitəon zumand kardey dumoədəy, əv həmçınin bə 2 qılə kişvəri mədəni və sivilizasiya nığılə rabitəon və torixi mıştərəkəçiyon işorəş karde və bə Səmərqəndi İron İslom Respublika səfə, 2 qılə kişvəri rabitəon torixədə, toj səhifə oj bey bois bey zınəşe.
