Avropa Liqaədə Cəhanbəxşi xoşə hənək iyən dəvəşe

İroni futbol milli kamanda uzv Avropa Liqaədə muvəffəğ be ki de dəvəşe iyən xoşə hənəki ıştə kamanda(Faynordi) bə co mərhələ ovaşto.

Avropa Liqaədə 8-ədə-1 mərhələ rəğabətonədə zinə şəv Holləndiya Faynord iyən Ukrayna Donetsk de yande rəğabətışon be ki ın hənək de 7 bə 1 və Faynordi səbarzəti sə be.

Bə İsna raporti əsos, həminə hənəkədə İroni futbol milli kamanda uzv Əlirıza Cəhanbəxş 1 qılə qolış jə və i qılə qoli pasi doşe.

De həminə hənəki nəticə ısət Faynord bə Avropa Liqa 4-ədə-1 mərhələ ro peydoş karde.