Sanksiyaon peqətey barədə, İron və Omani xarıci vəziron telefoni votımon

İron və Omani xarıci vəziron sanksiyaon peqətey muzakirəon və Avropa ittifoğ iyən İroni rabitəon barədə, telefoni votımonışon kardə.

Miladi 2022 minnə sori Avqustə manqi 4 minnə ruj, Viyana şəhrədə, İroni sanksiyaon peqətey muzakirəon bərpo be və Avqustə manqi 8 minnə ruj həm bə oxo rəsə.

Viyanaədə sanksiyaon peqətey barədə votımonon çand manq bəpeşt, bə jıqo mərhələ varid be ki əqə Amerkə bənə atomiyə sazışi darşiyə tərəfi İroni mənteği nəzəon ğəbul bıko qıləy zumandə etımo kardəninə sazışi imzo karde bəbe.

Bə İrna raporti əsos, İroni xarıci vəzir Huseyn Əmirəbdullahiyan de Omani xarıci vəzir Bədr Əlbusəidi telefoni votımonədə 2 tərəfi əloğəon xususi bə Tehron Ommani podşoh omə səfəri muğəddəmə barədə sıhbət kardışone.

Ommani xarıci vəzir de Nəvuzə İd iyən Rujə mo təbrik vote bə 2 tərəfi iyən reqional məsələon bardə muzakirəon dəvomi təkidışon be.

Tehron-Ərriyadi miyono əloğəon, İron və Avropa tojə təhəvvolaton iyən sanksiyaon ləğ kardey barədə həm votımon bıə.