Huseyni: həmmə mısılmonon iyən ğeyri mısılmononro, Kərimə Ğıron məxsusə cozibə soybe

İroni İslomi prezidenti parlamenti koon muavin votışe: həmmə mısılmonon iyən ğeyri mısılmononro, Kərimə Ğıron məxsusə cozibə soybe.

Aprelə manqi 1 minnə ruj, Tehroni İmom Xomeyni(r)-i musəllaədə, Kərimə Ğıroni 30 minnə beynəlxalğə nımoyeşqoh de "tıni handedəm" şuar ıştə ko binoş kardə və tosə Aprili 15 minnə ruj dəvom peydo bəkay.

Seyd Muhəmməd Huseyni, de İran Peres aqentiyəti raporti əsos, kərimə Ğıroni beynəlxalğə 30minnə nımoyeşqoh kənoədə təsdiğış karde: əlovə bə ım ki İroni daxılədə Ğıroni fəaliyəton əncom doey holədəmon, həmmə dınyoro karde bəznemon Kərimə Ğıroniku sıxənon və ayəoni bıvotəmon.

İroni İslomi prezidenti parlamenti koon muavin həmçınin əlovəş karde: ım nımoyeşqohədə və beynəlxalğ baxşədə co qılə kişvəron həm dəvət kardemone ta karde bəznen ıştə əsəron iroə bıdən, de kişvəri mənəvi fəzo oşno bıbən və çəvon təşəbbusi həm istifodə bıkənən.

Şeyx Muhəmməd Huseyni həmçınin təsdiğış karde ki ım nımoyeşqoh Ğıroni vey muhimmə hodisəonku  qıləynie və qıləy çokə fırsəte ki ictima həmmə qrupon  ıştə Ğıroni əsəron muxtəlifə baxşonədə nışo bıdən və həmçınin kali kişvəron ki bə İron İslom Respublika ələyh təbliğoni əncom dodən şoyd bıbən ki anədə İronıjon bə Ğıron bəfodor iyən oşnoin və bəy əhəmiyyət dodən.