Ğəfğazədə İroni stratejikə siyasət bə hamsuyəti ağılmandəti və inkişofi əsose

Azərbaycan Respublikaədə bıə İroni səfir, Ğəfğazədə İron İslom Respublika ğoym və stratejikə siyasət bə hamsuyəti huşinəti və inkişofi əsos elanış kardə.

Milodi 2021 minnə sori Avqustə manqi 3minnə rujədə, İroni 13minnə dıvlət ıştə ko bino kardeyku elanış kardə: xarıci siyasətədə balans icod kardey, de hamsuyəon və məntəğə kişvəron həmkoətion hevujəti çəy xarıci bərnoməon iminnə koonin.

Bə Fars aqentiyəti raporti əsos, Azərbaycan Respublikaədə bıə İron İslom Respublika səfir Seyd Əbbas Musəvi qıləy Tvittədə nıvıştəşe: Ğəfğazədə İron İslom Respublika ğoym və stratejikə siyasət bə devlət və nizomi hamsuyəti huşinəti və inkişofi əsose ki həminə royədə həmmə diplomatiya peydo iyən məxfiyə əbzaron və zərfiyətonku istifodə kardedə.

Musəvi ijən əlovəş karde: ə çəy ki ım həssosə məntəğədə, İroni siyasəti diktə kardedə, milli mənafe və əmniyyəte ki nizomi allimon təyin və təbyin kardedən, nə labion, nıfuziyə odəmon sədo və nə Tvitter Taymlaynədə daxıli və xarıci oşko iyən məxfiyə daston və ya Teleqrami kanalon.

Azərbaycan Respublikaədə bıə İroni səfir təsdiğış karde: qıləy siyasət ki ım zəmonədə de həmmə beabruçiyəti vıcudi icro bey holədəy, de ağılmandəti, məntəğədə İroni milli əmniyyət və mənafe sıə xətton təbyin və iğtidor və de stratejikə səbri bə ico beye.

Votey bəbe,Azərbaycan Respublika vey mıddəte ki bə İroni ələyh ittihom jey iyən de Tehroni rabitəonədə dave icod kardey məşğule.