Fələstini ozodi, dınyo mısılmonon hədəf iyən urzoe

Bə Ğuds beynəlxalğə ruji dəme mınosibəti xoto, İslomi məzhəbon təğrib beynəlxalğ icma qıləy bəyoniyədə Fələstini ozodi, çı dınyo mısılmonon hədəf iyən urzo elanış kardə.

De İron İslom Respublika nizomi təsisəkə, İmom Xomeyni(r)-i təşəbbusi Rəməzan mıburəkə manqi oxonə cımə ruj bənə Ğuds beynəlxalğə ruji nom noə bəy.

Bə Ğuds beynəlxalğə ruj və intifozə ğərorqoh yol, Rəməzan Şərifi elani əsos, Rəməzan mıburəkə manqi 23, Milodi 2023 minnə sori Aprelə manqi 13 və Fərvərinə manqi 25 minnə ruj, Ğuds beynəlxalğə ruji aksiya bərpo bəbe.

Bə ləsti Bə Tele-Rədio aqentiyəti raporti əsos, İslomi məzhəbon təğrib beynəlxalğ icma ım bəyoniyədə təsdiğış kardə: be şək Ğuds və Fələstin, çı islomi yolə ummətiku co nıbıə tikəy və dışmonon səmtiku hiç qılə bərnomə və hərəkət karde nibəzne Fələstini həxon qəteyro, İlahi tədbir və islomi milləton irodə vədə mane bıbu və çı yodiku bıkardey bois bıbu.

Im bəyoniyə əlovəş kardə: sioniston və çəvon himoyəkəyon xususi cinoyətkorə Amerkə vədə, Fələstini milləti çand da sornə muğavimət, nəticəş do və ım hırdən əkıştə rejimi məhv bey prosses vey rə əncom bey holədəy.

İslomi məzhəbon təğrib beynəlxalğ icma bəyoniyə dəvomədə ğeyd bıə: dəvardəyonku vey, israili korətəni kə  bə vironə bey səmt hərəkət kardey holədəy və bə məzlumon xuni əsos, ın rejimi bina rıjiye sədo məsə bəbe ki ım rujonədə vey oşko israili xiyabononədə vindeydəmon.

İslomi məzhəbon təğrib beynəlxalğ icma bəyoniyədə ijən işorəş bıə ki Fələstini məsələ həl bey vey coyli hələkə roy, islomi ummət və mısılmonə milləton i bey və vəhdət heste, ta har çəxtə rə sionist rejimi məhv bey və bə ım sərzəmini milləti tələbi əsos, Fələstini ozodə devləti icod kardeye əməli bıbu.