Rəyisi: sionist rejimi təcavuzon məhkum kardeyədə, İslomi kişvəron həmrayəti zərruriye

İron İslom Respublika prezident, sionist rejimi təcavuzon xususi bə Fələstini rujə əqəton ələyh və məçituləğsaədə ım rejimi dəhşətinə hərəkəton məhkum kardey vey muhimm və zərruri bəyonış kardə.

70 soriku veye ki Fələstini məzlumə milləti həxon, sionist rejimi işğolçiyə rejimi çəkməon jintonədə hırd bəbe, ım mıddətədə ım rejim bə Fələstini ələyh vey dəhşətinə cinoyəton əncom doşe.

Bə prezidenti məlumatərosnə raporti əsos, İRon İslom Respublika prezident, Seyd İbreym Rəyisi de Banqladeşi iminnə vəzir, Xanım Şeyx Həsinə telefoniyə votımonədə  navbənav bə Banqladeşi mısılmonə millət və dıvlət fitrə idi təbrik votışe bə İron İslom Respublika xarıci sitasəti mehvər bə de dınyo kişvəron xususi de islomi kişvəron rabitəon zumand və inkişof doey əsos elanış kardə.

Rəyisi ijən ıştə umu nışoş do ki dəvardəku vey İron və Banqladeşi çokə rabitəon xususi iğtisodi və ticori həmmə tərəfiyə həmkoətion baxşədə bə inkişof bərəse.

Im votımonədə həmçınin Banqladeşi iminnə vəzir, Şeyx Həsinə bə Fələstini rujə əqəton ələyh sionist rejimi cinoyətkorə hərəkəton de şiddətinə məhkum iyən təkidış kardə: Fələstini məzlumə millətiku himoyə kardey iyən sionist rejimi təcavuzon məhkum kardey, Banqladeşi devlət və milləti stabilə nəzəe.