Moskva 4 tərəfiyə iclos, Cəlali və Boqdanofi vindemoni mehvər
Moskvaədə bıə İroni səfir və Asiya ğərb koonədə bıə Rusiyə məxsusə nımoyəndə, Suriyə barədə İron, Suriyə, Rusiyə və Tırkiyə xarıci vəziron 4 tərəfiyə iclosi bərpo bey barədə de yande vindemon və votımonışon kardə.
Milodi 2011 minnə soriku Suriyə bıhron bino bıə, kali kişvəron əcumlə Tırkiyə bənə rolifoəkəyoni bin ki Suriyə və terroristiyə qruponku himoyə kardışone və İron və Rusiyə həm 2 kişvər bin ki de terroriston canqədə Suriyə nizomiku himoyətışon kardə.
De Suriyə bıhroni şiddət qətey həmzəman siyasi icloson həminə bıhroni barədə və de Dəməşği himoyəkəyon və moxalifon vositə bərpo bıə.
Suriyə nizomi moxalifon muxtəlifə kişvəronədə əcumlə Ğətər vı Tırkiyədə iclosoni bərpo kardışone və Dəməşği himoyəkəyon həm Tehron və Moskvaədə muxtəlifə icloson bərpoşon kardə.
Həminə holədə Vyana və Cenevrə və Astanədə kali icloson həm de Dəməşği devlət və çəy moxalifon iştiroki bərpo bıə.
Cəhdoni ki 3 qılə kişvər yəni İron İslom Respublika, Rusiyə və Tırkiyə əncom doşone, Suriyə barədə co qılə iclosonku vey barz be, ım iclos ki Ğəzaxıston, Tırkiyə, Rusiyə və İronədə bərpo bıə bois bıə ki Suriyədə bıhronon kam bıbu xususi insoni bıhron.
Bə Təsnim aqentiyəti raporti əsos, ım vindemonədə, Moskvaədə bıə İron İslom Respublika səfir, Kazım Cəlali və Asiya ğərb koonədə Rusiyə prezidenti məxsusə nımoyəndə Mixail Boqdanev Rusiyə, İron, Suriyə və Tırkiyə xarıci vəziron 4tərəfiyə iclosi bərpo bey təğib kardışone və məntəğə əmniyyət və stabilətiro bə jıqğo təşəbbuson və muxtəlifə tərəfon nəzəon nez beyro cəhdon dəvomi təkidışon kardə.
Ğeyd kardənine ki Milodi 2023 minnə sori Aprelə manqi 3 və 4 minnə rujədə Moskvaədə İron, Tırkiyə, Suriyə və Rusiyə xarıci vəziron muavinon səthədə 4tərəfiyə mışverəton bərpo bıə.