Amerkə bəpe bə terroristi həmləon xoto bə İron ziyan bıdə
Tehroni qıləy məhkəmə, çı Amerkə devlət, kali təşkilaton və rəsmi şəxsonış məhkum kardə ki İroni İslomi şura məclis iyən İmom Xomeyni(r)-i hərəmədə bıə terroristi həmləonku himoyədorəti karde xoto bə zərər vinde ailəon təğribən 313 milyon dollar ziyon bıdə.
Bə İroni məhkəmə təşkiloti bəşər həxon və beynəlxalğə koon idorə raporti əsos, ım sədo beynəlxalğ be ğanunə hərəkəton vəy qəte iyən çı İŞİD terroristi qrupon cinoyəton jiədə moddi və mənəvi zərər vində ailəonku himoyədorəti karde çərçivədə sadir bıə.
Im sədo bə çəy əsos sadir bıə ki çı amerkə nakonə prezident rəsmən etırofış kardə ki amerkə və çəy cəsusə təşkilaton İŞİD terroristi qrupon pesoxtəşone.
Amerkə 9 qılə huğuği və həğiği şəxsiyət iyən təşkilaton çı amerkə devlət, Barak Obama, Corc Vaker Buş, Tami Franks, SİA təşkilot, Sentkam Ğəroqo, Amerkə maliyə vəzarətxonə, Lakhid Martin kompaniya iyən Emriken İ Royz şirkətiku iborətin.
Ğeyd kəmon ki İŞİD terroristi qrupon cinoyəton jintonədə şəhidonku 3 qılə şəhidi ailəon iyən 6 nəfər conboz(veteran) həminə dosiyə tələb kardə kəsonin.
