De Rəyisi rəsmi pişvozi, İraği prezident bə İron varid bıə
Tehroni Səəd Abadi torixi-mədəni binaədə İron İslom Respublika prezident, bə İraği prezident pişvoz şe.
Bə İraği prezidenti xəşomey doe rəsmiyə mərosimədə 2 qılə kişvəri himni handey bəpeşt, 2 qılə kişvəri aliy rəsmi şəxson iyən de əvon çəvon bə ico bıə heyət bə yande elan bin.
Bə İran Peres aqentiyəti raporti əsos, İron İslom Respublika Prezident və İraği prezident, Seyd İbreym Rəyisi və Əbdullətif Rəşid xususi votımon və vindemon iyən 2 qılə kişvəri ali heyəton mıştərəkə iclosi bərpo kardey bəpeşt, qıləy mətbuatiyə iclosədə, ıştə sıxənon nəticəon bəyon bəkardən.
İraği prezident, Əbdullətif Rəşid ki de Seyd İbreym Rəyisi rəsmiyə dəvəti, bə İron varid be.
Asiya ğərb məntəğə ərəbə kişvəron miyonədə məzhəbi və mədəni cəhəto, İrağ, de İron vey nezətiş heste.
Hamsuyəon miyonədə vey dırozə marzi soyb bey, (zəmini marzi cəhəto təğribən 1258 kilometr, ovi marzi cəhəto, 351 kilometr), irği, torixi, zıvoni rabitəon, dini mıştərəkəçiyon, iğtisodi və əmniyyəti mıştərəkə mənafe əcumlə İron və İraği rabitəonədə vey muhimmə nuktəonin.
Dəvardə soronədə bə məzhəbi, siyasi və mədəni veyə mıştərəkəçiyon xoto, İron de İraği rabitəon hevujəti 2 qılə kişvəri rəsmi şəxson iminnə koonədə ğəror qətəşe.
