Sionist rejimi zindononədə Fələstinıjə əsir, Xəzr Ədnani şəhodət

Fələstini əsiron və ozod bıə kəson koon vəzarətxonə sionist rejimi zindononədə Fələstinəjə əsir, Şayx Xəzər Ədnani şəhodətiku xəbəş do.

Fevralə manqi 5 minnə rujədə sionist rejimi səmtiku Fələstini islomi cihodi hərəkəti rəhbəronku qıləyni Xəzər Ədnan əsir bıə, əv bə ım dastqirəti  etıroz bey 86 ruj vəşiyanəti aksiya əncomış do.

Sionist rejimi hərbi məhkəmə çand kərə de Xəzər Ədnani ozodi muxalifətış kardə be.

Bə İran Peres aqentiyəti raporti əsos, Seşəmbə sıb, Fələstini əsiron və ozod bıə kəson koon vəzarətxonə elanış kardə: Şeyx Xəzər Ədnan sionist rejimi zindononədə, ıştə həbsxonə kameraədə 86 ruj vəşiyanəti aksiya bəpeştə bə şəhodət rəsə.

Çımiku bənav həm xəbəiyə mənbəon sionist rejimi zindononədə  Şeyx Xəzər Ədnan bevəcə vəziyətiku və çəy 85 minnə ruji vəşiyanəti aksiya dəvomiku xəbəşon doə bin.

Dəvardə haftə Şeyx Xəzər Ədnan cismi vəziyəti bevəc bey bəpeşt bə noxəşxonə ovoştoniyə bıə əmmo sionist rejim icozəşon nıdo ki huğuği tərəfon və həkimon çəy səlomətku xəbədo bıbun.

Vaed nomo bıəə Fələstini iclos Şeyx Xəzər Ədnan şəhodəti reaksiyaədə zindoniyon himoyədə elanış kardə: sionist rejim cinoyət kardeyədə marziku dəvardedə və bəpe zindoni daxıl iyən xarıcədə siyohə rujon intizorədə bıbu.