Əmirəbdullahiyani de Cozef Boreli telefoniyə votımon
İroni xarıci vəzir, Huseyn Əmirəbdullahiyan de Avropa ittiifoği xarıci siyosəti rəsmi şəxs, Cozef Borrell telefoniyə votımonədə bə de Avropa rabitəon barədə oxonə təhəvulaton, İron və Avropa votımonon və Ukrayna təhəvulaton təkidışon kardə.
Bə İrna raporti əsos, ım votımonədə Huseyn Əmirəbdullahiyan İron İslom Respublika və Avropa rabitəon royədə bə nav şey hərəkəton və maneon peqəytey, votımonon bə mıtəğabilə ehtırom noey əsos bey qılə vey muhimm və təyinəkə qəm zınəşe və de Avropa bə İroni oxonə əncom bıə votımonon işorəş kardə və votışe: çəmə təhlil ıme ki mıtəğabilə tərəfon mısbətə qəmon peqətey royədə ğəror qətəşone.
Əmirəbdullahiyan ijən əlovəş kardə: İron İslom Respublika həmişə konstraktiv təşəbbusonku himoyə kardedə.
Əv ijən Cozef Borrelli cəvobədə və Əhvazi hodisədə bə terroristiyə şəxsi edami işorəş kardə və votışe: kali rəsmi şəxson de terrorizm mubarizə bardeyədə ıştə irodə nışo doey əvəzi, de təəssufi de mıdoxil icod kardey vositə, terrorizmi rəvoc doey dumoədən.
Im votımonədə bə Ukrayna oxonə təhəvulaton həm diğğət bıə.
Cozef Borrell həm ım votımonədə İron İslom Respublika və atom beynəlxalğə təşkiloti miyono əncom bıə həmkoətionku himoyətış kardə və ım həmkoətion çok və mısbət zınəşe.
Əmniyyəti siyosi və xarıci koonədə Avropa ali nımoyəndə ijən votışe: atomi sazış Avropa ittifoğiro vey muhimme və həmmə tərəfon bəy oqardeyro cəhd kardedəmon.