İroni portonədə investisiyaro xarıci təklifon əlovə bey

İroni şəhr soxtey və roy vəzir kişvəri portonədə investisiyaro xarıci təklifon əlovə beyku xəbəş do.

Bə İrna raporti əsos, Tehronədə İCOPMAS nomo beynəlxalğə 14 minnə iclosədə İroni şəhrsoxtey və roy vəzir Mehrdad Bəzrpaş bəyonış kardə: məntəğədə dıyo iğtisodi baxşədə tojə dəçoknəy icod bey holədəy. əv ijən votışe: İroniro ki 5 həzo 800 kilometriku vey sahil soybe, mıslış nıbıə şəroyet icod bıə ta ım zərfiyətiku istifodə bıkon.

İroni roy və şəhrsoxtey vəzir ijən əlovəş kardə: de deşmoni təziğon vucud və ım həssosə şəroyetədə de İron vey muhimmə kişvəron rabitə meylon diyə bəbe və ım kişvəron investisiyaro təklifoni doəşone.

Bəzrpaş ijən tranzit və tərkibi nəğliyotiku İroni 13minnə devləti metodiku xəbəş do və votışe: dıyo, reyls xətton, caddə və həvo royədə tranziti inkişof və pərre məhdudiyəton peqətey koon əncom bıə ki hətto hətto kali hamsuyə kişvəron ım inkişofon və məhdudiyəton peqəteyku təəcub kardışone.

Ğeyd kardənine ki 13 minnə devlətədə, xarıci invastisiya cəzb kardey mığdor, 2.4 milyard dollariku bə 5 milyard dollar rəsəşe.