İron və İndoneziya miyono 11 qılə həmkoəti sənəd imzo bıə

Siyosi və iğtisodi rabitəon nığıl iyən hevujəti kardey cəhəto İron və İndoneziya ali rəsmi şəxson 11 qılə həmkoəti sənəd iyən muğavilə imzo kardışone.

Bə İrna raporti əsos, zinə seşəmbə Cakartaədə İron İslom Respublika və İndoneziya miyono həmkoəti muğavilə və sənədon imzo bey mərosim bərpo bıə və 2 qılə kişvəri rəsmi şəxson 11 qılə həmkoəti sənəd imzo kardışone.

Tərcihi ticorət, viza ləğv kardey, mədəni mıbudiləon, bə damon məhsulon istehsoli kontrol kardey həmkoəti, elmi, texniki və inovasiya baxşonədə həmkoəti və nat və qaz baxşədə 2tərəfi həmkoəti muğaviləon 2 qılə kişvəri xarıci vəziron, nat, məedən, kəşfiyot texnoloqiya və rabitəon miyono be.

Im mərosimədə həminə imzo bıə sənədon, bə 2 qılə kişvri przidenton həm nışo doə bıə.

Deşəmbə şəvədə İron İslom Respublika przident, Seyd İbreym Rəyisi bə İndoneziya przident Codo Vidodo rəsmi dəvəti əsos, bə Cakarta səfər kardəş be.

Muxtəlifə baxşonədə həmkoəti sənədon imzo kardey, de indoneziya parlamenti nımoyəndəon və rəsmi şəxson vindemon, 2 qılə kişvəri iğtisodi əktivon və taciron iclos bərpo kardey, de İndoneziya alimon votımon kardey və de  İndoneziyaədə bıə İronıjon sakin bıə şəxson vindemon kardey ım səfərədə Rəyisi bərnoməonku şomilin.