İroni Vyanədə bıə səfir de Slovakiyə Parlamenti Xarici Siyosət Komissiyə uzvon vindemonış kardə.
İroni Vyanədə bıə səfir de Slovakiyə Parlamenti Xarici Siyosət Komissiyə rəhbər və de çın komissiyə kali uzvon vindemonış kardə və boəvon interes icod kardə bəzi məsələon həxədə mızokirəşon kardə.
Bə İronıjə tələbəon xəbə agentəti bıə (İSNA) məlumoti əsos, İroni Vyanədə bıə səfir Əbbos Bağırpur Ərdakani cımə şəvi ıştə Bratislava səfə zəmonədə de Slovakiyə parlamenti xarici siyosət komissiyə rəhbər bıə Marian Keri və de çın komissiyə bın nezonədə İronədə rəsmi səfədə bıə bəzi uzvon vindemonış dəvordınə.
Bın vindemonədə Slovakiyə tərəfi Tehronədə de İroin parlamenti və siyosi rəsmiyon bardə vey çok və konstruktivə diayloqon işorə kardə holədə,çı parlament imkonatonku istifodə kardeyış bo dı itərəfinə rabitəon zumand kardero hozzı bıeyış elon kardə.
İroni Vyanədə bıə səfir həmçinin de Slovakiya Xarici Koon Vəzirəti siyosi sər direktor cənab Pavok həm co vindeonış karde və bın vindemonədə beynəlxalğ və regional oxonə hodisəon,İron və Avropə miyono mevcud cari vəziyyətışon nəzəku dəvordıne və dı tərəfinə mınosibəton oqətey həxədə mızokirəşon karde.
