Ğərib Abadi: "Həmid Nuri" qirov qətə bıə.

İnsoniyə həxon ğərorqoh sərkatib təkidış kardə: İronıjə şahrvand Həmid Nuri, İsveçi devləti qirov qətə kəse nə qıləy zindon bıə kəs ya qıləy şəxs ki qınoh kardəş bıbu, boçi ki çəy zindoni bey hiç qılə məhkəmə və huğuği əsosış ni.

Hicri şəmsi 1398 minnə sori Abanə manqi 18 minnə rujədə, (Miladi 2019 minnə sorədə Noyabrə manqi 9 minnə ruj) Həmid Nuri ıştə kinə problemon həlliro bə İsveç şə be ki de ım kişvəri əmniyyəti məmuron vositə dastqir bıə və təğribən 3 sor bəbe ki zindonədəy.

İsveç məhkəmə tərəfo, Nuri mıttəhəm bıə ki İronədə 34 sor çımi bənav iddio bıə hodisəonədə mıdoxiləş be, ın iddio şikoyətəkəyon veyni mınofiğon terroristiyə qrupi uzvonin.

İnsoni həxon ğərorqoh sərkatib, Kazım Ğərib Abadi de İrna votımonədə Həmid Nuri vəziyətiku oxonə təğibon barədə votışe: ım İroni şahrvandi dosye komil surət siyosie və siyosi iyən məhkəmə muxtəlifə roonku çəy vəziyəti təğib kardedəmon.

İnsoniyə həxon ğərorqoh sərkatib ijən əlovəş kardə: de ciddi surət, bə ım dosiyə təğib kardey prosses etırozımon heste boçi ki Həmid Nuri həx-huğuğon darşiyə bıə.

Ğərib Abadi ijən təsdiğış kardə: iminnə və co qılə məhkəmonədə Həmid Nuri həx-huğuğon darşiyə bıə və İron İslom Respublika siyosi, huğuği və insoni həxon cəhəto, ıştə mesajon bə İsveç rosnişe və İroni tələb ıme ki ım İronıjə şahrvand bəştə kişvər obəqardo və həminə royədə çəmə cəhdon dəvom bədomon.