İron, Rusiyə və Azərbaycan Respublika tranziti sazışi təğib kardey

İroni xarıci vəzir iyən Rusiyə prezdenti muavini vindemonədə, Rəşt-Ostoro osınə ro dutey plani oxonə vəziyət, İron, Rusiyə və Azərbaycan Respublika tranziti 3tərəfiyə sazış təğib bıə.

Bə İrna raporti əsos, İroni xarıci vəzir Huseyn Əmirəbdullahiyan iyən Rusiyə prezdenti muavin İqor Loytin vindemonədə Rəşt-Ostoro osınə ro dutey plani vəziyət iyən İron, Rusiyə və Azərbaycan Respublika tranziti 3tərəfiyə sazışi barədə sıhbət bıə.

Əmirəbdullahiyan ım vindemonədə İron və Rusiyə rabitəon mısbət iyən mımtoz zınəşe.

Im vindemonədə Rusiyə prezdenti muavin Şanxay təşkilotədə İron İslom Respublika komilə uzv bey təbrik votışe.

İron və Rusiyə 2tərəfiyə baxşonədə xususi iğtisodi, hərbi və əmniyyəti və həmçınin məntəğə və beynəlxalğə məsələon bənə de Amerkə unilateralizm mubarizə bardey stratejikə mıştərəkə mənafe soybin vədəvardə soronədə ım amilon 2tərəfə nezə həmkoəti vey muhimmə amilonku be.