Keniyaədə rəsmi surətədə bə İron İslom Respublika prezdenti vəy beşey

Keniya prezdenti səra vırədə Keniya prezdent, İron İslom Respublika prezdentiku rəsmi surətədə vəy beşe.

Bə İrna raporti əsos, rəsmiyə və beşey mərosimədə İron İslom Respublika prezdent iyən Keniya prezdent Viliyam Samoi Roto xatirə şikili kəşey bəpeşt, 2 qılə kişvəri ali şəxson heyəton bə yande zıney bıən.

Həmçınin bə Keniya prezdenti səray, Rəyisi varid bey həmzəman, 21 qullə bə İron İslom Respublika prezdent və İroni heyəti varid bey fəxri xoto, vığandə bıə.

Həminə rəsmiyə və beşey bəpeşt, 2 qılə kişvəri prezdenton xususiyə votımonon əncom iyən 2 qılə kişvəri ali rotbə heyəton 2tərəfiyə muzakirəon bərpo bıə.

Im iclosi bəpeşt həm 2 qılə kişvəri prezdenton iştirokədə, İron və Keniya miyono 2tərəfiyə həmkoətion vey muhimmə sənədon bə imzo bərəsə.

İşorə kəmon ki ımruj sıb, İron İslom Respublika prezdent, Seyd İbreym Rəyisi deştə bə ico bıə heyət və bə Keniya, Uqanda və Zimbabve kişvəron prezdenton rəsmiyə dəvəti əsos, Tehroni bə Keniya məğsədi tərkış kardə.

Bə Afrika, İron İslom Respublika prezdenti səfə  de dust iyən həmcəhətə kişvəron siyosi rabitəon zumandəti və iğtisodi diplomatiya cəhəto və bə İron İslom Respublika ixracati məğsədon əncom bəbe.