İron və Keniya 5 qılə həmkoəti sənəd imzo kardışone

İron və Keniya muxtəlifə 2tərəfiyə rabitəon inkişofi cəhəto və rabitəon, moyəvonəti, ditəsərrufat, səhiyyə iyən damon baxşonədə 5 qılə həmkoəti sənəd imzo kardışone.

Bə İrna raporti əsos, bə Naprobi İron İslom Respublika prezdent Seyd İbreym Rəyisi və çəy bə ico bıə heyəti səfə cərəyonədə və 2 qılə kişvəri prezdenton iştirokədə, İron və Keniya həmkoəti sənədon imzo bıə.

İron və Keniya sazışon, muxtəlifə baxşonədə əcumlə məədəni və sənaye, kaştemon iyən texniki və herfei təlimon bə 2 qılə kişvəri xarıci vəziron imzo rəsə.

İşorə kəmon ki ımruj sıb, İron İslom Respublika prezdent, Seyd İbreym Rəyisi deştə bə ico bıə heyət və bə Keniya, Uqanda və Zimbabve kişvəron prezdenton rəsmiyə dəvəti əsos, Tehroni bə Keniya məğsədi tərkış kardə.

Bə Afrika, İron İslom Respublika prezdenti səfə  de dust iyən həmcəhətə kişvəron siyosi rabitəon zumandəti və iğtisodi diplomatiya cəhəto və bə İron İslom Respublika ixracati məğsədon əncom bəbe.