İron bə Nato yolon be əsosə ittihamon cəvob doşe

Brusselədə İron İslom Respublika səforətxonə, Litvaədə bə Nato uzvon yolon iclosi oxonə bəyoniyə cəbovədə, bəyoniyə mintəşirış kardə iyən ım ittihamon rədış kardə.

Bə İrna raporti əsos, 1402 minnə sori Tirə manqi 20 minnə rujədə Vilniyos Litvaədə Nato yolon iclosi oxonə bəyoniyə dumoədə iyən Ukrayna canqədə bə Rusiyə İroni hərbi koməkon barədə kali bəyon bıə iddion barədə və həmçınin İroni atomiyə bərnomə barədə Brusselədə çəmə kişvəri səforətxonə qıləy bəyoniyə ğolibədə ım ittihamon rədış kardə.

Nato 31 qılə uzvi bəyoniyədə omə be: “ əmə İroniku pidəmone ki Rusiyəku ıştə hərbi himoyə xususi de droni ovoştoniyə be hərəkət ko”.

Brusselədə İroni səforətxonə bəyoniyədə ki Nato uzvon iddio cəvobədəy omə: Ukrayna behronədə, İroni mıdoxilə ki qıləy iddio ğolibədə bəyon bıə qıləy be əsosə iddio heste və kırtə mıddəti mənafe kəsb kardey cəhətədəy. Ukrayna canqədə, İron be tərəf heste və İron məntəğədə bənə qıləy təsir noey iyən bə prinsipon etığadış bıə kişvəre , həmçınin İ Bıə Milləton təşkiloti prinsipon iyən beynəlxalğə həxon rioyət karde kişvər bə hisob omeydə, İron bə həmmə kişvəron istiğlol, hakımiyət və vəhdət ehtırom noey təkid kardedə.

İron İslom Respublika Nato uzv bıə kişvəronku tələb kardedə ki bə İroni ələyh be əsosə ittihamon bəyon kardeyku dast bıkəşo iyən İ Bıə Milləton Təşkiloti prinsipon çərçivədə bəştə təəhudon pobən bıbu.