Prezdent: İronıjon xususi elitaon, marzon xariciku İslomi İroni insoniyə sərmoyəonin

İron İslom Respublika prezdent kişvəri xarıciku İronıjon ali şura iclosədə, təkidış kardə: İronıjon Xususi ellitaon, marzon xarıciku İslomi İroni insoniyə sərmoyəonin.

Zinə çəşəmbə, İron İslom Respublika prezdent, Seyd İbreym Rəyisi, kişvəriku xarıci İronıjon ali şura iclosədə, kişvəri xarıciku sakin bıə həmvətənon zərfiyətiku istifodə kardey vey muhimm zınəşe.

Im iclosi əvvələdə, İroni xarıci vəzir Huseyn Əmirəbdullahiyan iyən kişvəri xarıciku İronıjon ali şura sərkatib həm ıştən əncom bıə hərəkətonku sıxən votışone.

Prezdent ım iclosədə votışe: kişvəri xarıciku İronıjon ali şura təşkilot məsuliyətış heste ki de diğğət bə İronıjon şəxsiyyəti oqəteyədə təsirinə amilon, yol iyən əzizə İroni cəmiyəti ım baxşi məsələon co qılə təşkilotonədə təğib bıko iyən bə nəticə bırosno.

Bə İrna raporti əsos, Rəyisi ijən təkidış kardə bəpe ım şura sərkatib İronıjon sakin bıə co qılə kişvəron bə İron oqardeyeo plan bıkəşo iyən çəvon problemon həlko.

Prezdent iyən ım royədsə və mevcudə maneon peqəteyro bə cihodi iyən təhəvulinə ko əncom doey zərrurət təkidış kardə.

Rəyisi , devləti cəhd, islomi inğilobi Yolə Rəhbəri tədbiron dəvomədə, ki dəvardə sorədə hevujə baxşeş əncomış do iyən bə kişvər İronıjon oqardey zəminəon hozzo kardəş be, əcumlə devləti təhəvulinə metodonku zınəşe.