Dınyo kişvəron bə İroni dıyo zumandəti etırof kardışone

İron İslom Respublika ərtışi stratejikə dıyo ğıvvə komandir votışe: Sankt-Peterburqədə iştirok iyən məşvərəti cərəyonədə, muxtəlifə rəsmi şəxson bə İroni ərtışi dıyo ğıvvə zumandəti etırof kardışone.

Admiral Şəhram İrani bə İran Peres aqentiyəti sovali cəvobədə ki bə Sankt-Peterburq səfə nəticəon barədə be, təsdiğış kardə: məşvərəton cərəyonədə İRoni ərtışi dıyo ğıvvə zumandətion barədə, votımon əncom bıə və co qılə kişvəron meylışon be ki de İroni ərtışi dıyo ğıvvə mıştərəkə ko əncom bıdən.

İroni ərtışi dıyo ğıvvə komandir ijən bəyonış kardə ki Sankt-Peterburqədə iştirok vey muhimmə mesajış be və əlovəş kardə: iminnə mesaj ım be ki İron izolosiya nivə həmişə meydonədə iştirokış heste.

Admiral İrani ijən votışe: İroni deşmononro co qılə mesaj ıme ki bıznən ki məntğədə zumandəti iyən çokəti bsə bıə və co qılə muhimmə nuktə ıme ki dıyo baxş həmmə kişvəronro ki dıyo marzi soybin əcumlə İroniro strateqiya baxş bə hisob omeydə.

İroni ərtışi dıyo ğıvvə komandir ijən təsdiğış kardə: İron bəştə coqrafiya mıvğiyəti xoto, vey çokə noğtədə ğəror qətəşe və dıyo ticori beynəlxalğə roy bə hisob omeydə və İroni dıyo ğıvvə həm dıyo iğtisodi əmniyyət baxşədə vey muhimmə rol ifo kardedə.