Asiyaədə İroni nevcıvonə ştanqiston ğəhrəmonəti dumoədə Rəyisi təbrikə mesaj

İron İslom Respublika prezdent Seyd İbreym Rəyisi qıləy mesajədə, Asiya rəğabətonədə İroni nocıvonon ştanq rost kardə milli komanda ğəhrəmonəti təbrik votışe.

Bə İrna raporti əsos, Seyd İbreym Rəyisi mesajədə omə: Hındustanədə Asiya ğəhrəmonəti rəğabətonədə nocıvonon ştanq rost kardey milli komanda umuəbaxşə ğəhrəmonəti, co kərə İslomi sərzəmini zumandə merdon ləyoğəti ki çand kərə qlobal muxtəlifə baxşonədə fəxrin bois bıə bin, nışoş do iyən həmmə milləti fəxr iyən şoəti bois bıə.

Rəyisi varzışi meydononədə oxonə dəvəşəon ım sərzəmini loyiğə nocıvonon iyən cıvonon umu iyən veyə cəhdon nəticə zınəşe.

İroni nocıvonon ştanq rost kardə milli komanda de 9 qılə telı, 12 qılə nığə iyən 2 qlə bırınc kəsb kardey və de 741 imtiyoz  Asiyaədə ğəhrəmon  bıə.

Mordadə manqi 6 tosə 12 minnə rujonədə Hındustan kişvərədə Nuyə Dehli şəhrədə Asiya cıvonon iyən nocıvonon ğəhərəmonəti ştanq rost kardə rəğabəton bərpo bıə.